Na praśpiekcie Niezaležnaści ŭ Minsku razabrali ŭžo pałovu mosta cieraź Śvisłač
U Minsku praciahvajecca rekanstrukcyja mosta cieraź Śvisłač na praśpiekcie Niezaležnaści kala parka imia Maksima Horkaha. Raboty pačalisia 6 lipienia, i na siońnia demantaž starych kanstrukcyj vykanany prykładna na 50 pracentaŭ, piša ahienctva «Minsk-Naviny».
Pa słovach pradstaŭnikoŭ budaŭničaj arhanizacyi, užo źniaty mastavy naścił i demantavanyja elemienty, jakija nieabchodna zamianić. Samym składanym etapam zastajecca razborka kanstrukcyj, pakolki važna nie paškodzić hałoŭnuju apornuju arku. Paśla zaviaršeńnia hetych rabot tempy rekanstrukcyi płanujuć pavialičyć. Na abjekcie štodnia pracujuć kala 70 śpiecyjalistaŭ.
Padčas ramontu budzie ŭmacavanaja kanstrukcyja mosta. Budaŭniki pakładuć novuju manalitnuju plitu, vykanajuć raboty pa stabilizacyi arki, a taksama adnoviać učastki bietonnych sklapieńniaŭ nad rakoj, dzie zaraz vydalajuć paškodžanyja płasty bietonu.
Praciahvajecca i abnaŭleńnie mietaličnaj aharodžy. Spačatku ramantujuć učastak z boku parka imia Janki Kupały, paśla čaho raboty pieraniasucca na supraćlehły bok mosta. Akramia hetaha, buduć adnoŭlenyja hranitnaja ablicoŭka i dekaratyŭnyja elemienty. Paškodžanyja hranitnyja błoki zamieniać novymi, kab zachavać histaryčny vyhlad zbudavańnia.
Most maje status histaryčna-kulturnaj kaštoŭnaści, tamu paśla rekanstrukcyi jahonyja architekturnaje abličča, pamiery i kolkaść pałos dla ruchu transpartu nie źmieniacca.
Budaŭniki pracujuć kruhłasutačna. Pavodle ich słoŭ, raboty iduć pavodle hrafika i navat krychu jaho apiaredžvajuć. Kali nadvorje pahoršycca, hrafik mohuć niaznačna skarektavać.
Z 5 lipienia na čas rekanstrukcyi dla bolšaści aŭtamabilaŭ zakryty ruch pa hetym učastku praśpiekta Niezaležnaści. Hramadski transpart, maršrutnyja taksi i transpart ekstrannych słužbaŭ praciahvajuć kursavać bieź źmianieńniaŭ. Dla astatnich transpartnych srodkaŭ arhanizavany abjezd pa pieršym i druhim transpartnych kolcach, a taksama pa prylehłych vulicach.
Most cieraź Śvisłač kala płoščy Pieramohi zakryli na rekanstrukcyju
Zaŭtra dla ramontu mosta kala płoščy Pieramohi zakryjuć praśpiekt Niezaležnaści. Jak doŭha buduć hetyja niazručnaści ŭ stalicy?
U Minsku da 2030 hoda płanujuć adramantavać 30 mastoŭ
Dla kaho sabralisia budavać vielizarny vantavy most u Minsku?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»27
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary