Zaŭtra dla ramontu mosta kala płoščy Pieramohi zakryjuć praśpiekt Niezaležnaści. Jak doŭha buduć hetyja niazručnaści ŭ stalicy?
Most praz raku Śvisłač na praśpiekcie Niezaležnaści čakaje rekanstrukcyja. Z 6 lipienia abmiažujuć prajezd pa hetym učastku, a na inšych źmieniać schiemu arhanizacyi darožnaha ruchu, paviedamlajuć «Minsk-Naviny».
Užo z paniadziełka na hetym praśpiekcie ad vulicy Ja. Kupały da płoščy Pieramohi ŭvodziać abmiežavańni dla ruchu ŭsich vidaŭ transpartu, akramia hramadskaha.
Płanujecca, što most zakryjuć da 30 žniŭnia.
Abjechać učastak prapanavana pa pieršym i druhim transpartnych kolcach, a taksama pa vulicach centralnaj častki horada, prylehłych da praśpiekta Niezaležnaści.
U šerahu miescaŭ arhanizujuć levy pavarot:
z pr. Mašerava na vuł. Kujbyšava (pry ruchu z boku pr. Niezaležnaści);
z pr. Mašerava na vuł. M. Bahdanoviča (pry ruchu z boku pr. Niezaležnaści);
z pr. Niezaležnaści na vuł. Kazłova (kali jechać z boku pł. Ja. Kołasa);
z vuł. Ja. Kupały na pr. Niezaležnaści (pry ruchu z boku vuł. Pieršamajskaj).
Dziaržaŭtainśpiekcyja prosić uličvać hetuju infarmacyju pry vybary maršrutu.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud28
Kamientary