Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Źmiest razmovy pakul viadomy tolki ŭ pierakazie pamočnika Uładzimira Pucina pa mižnarodnych pytańniach. Stužka Donalda Trampa ŭ TruthSocial pakul zapoŭnienaja paviedamleńniami, pryśviečanymi 250‑hodździu niezaležnaści ZŠA.
Uładzimir Pucin pravioŭ telefonnuju razmovu z amierykanskim lidaram Donaldam Trampam, u jakoj asabista pavinšavaŭ jaho z Dniom niezaležnaści ZŠA. Pra heta paviedamiŭ pamočnik rasijskaha lidara Juryj Ušakoŭ, pieradaje TASS.
Pierad hetym Donald Tramp pahavaryŭ z prezidentam Ukrainy Uładzimiram Zialenskim.
Razmova Trampa i Pucina «praciahvałasia amal paŭtary hadziny, dakładniej — 1 hadzinu 25 chvilin», — udakładniŭ Ušakoŭ.
«Rasijski bok vystupiŭ inicyjataram papiaredniaha telefonnaha kantaktu — 14 červienia, u dzień 80‑hodździa Donalda Trampa. Na hety raz z prapanovaj pravieści razmovu mienavita ŭ dzień śviatkavańnia 250‑hodździa niezaležnaści ZŠA vystupili amierykanskija partniory», — skazaŭ Ušakoŭ.
«Siońniašniaja telefonnaja razmova dvuch kiraŭnikoŭ dziaržaŭ pačałasia z taho, što prezident Uładzimir Pucin asabista pavinšavaŭ Donalda Trampa i ŭvieś amierykanski narod sa znakavym śviatam», — skazaŭ Ušakoŭ.
Pucin taksama paćvierdziŭ hatoŭnaść Rasii sadziejničać deeskałacyi vakoł Irana — tam, nahadajem, ustanaviłasia pieramirje, nafta, haz, hielij i azot iznoŭ nadychodziać ź Piersidskaha zaliva na suśvietnyja rynki.
«Paćvierdžanaja naša hatoŭnaść akazvać praktyčnaje sadziejničańnie namahańniam pa deeskałacyi i stabilizacyi situacyi ŭ rehijonie», — adznačyŭ Ušakoŭ. «Donald Tramp, u svaju čarhu, padziakavaŭ rasijskamu boku za ŭzvažanuju pazicyju i kanstruktyŭnyja prapanovy», — dadaŭ pamočnik rasijskaha lidara. Rasija nijak nie ŭmiašałasia, kali ZŠA i Izrail nanosili ŭdary pa Iranie, «stratehičnym sajuźniku» Maskvy.
«Kranajučy situacyju vakoł Irana, Uładzimir Pucin vykazaŭ nadzieju, što pierahavorny praces na asnovie miemaranduma ab uzajemarazumieńni pamiž ZŠA i Iranam dazvolić znajści ŭzajemaprymalnyja doŭhaterminovyja raźviazki pa klučavych pytańniach urehulavańnia», — adznačyŭ Ušakoŭ.
Hałoŭnaj temaj razmovy Trampa i Pucina stała, naturalna, vajna va Ukrainie.
«Prezidenty, naturalna, zakranuli temu ŭkrainskaha ŭrehulavańnia. U tym liku z ulikam majučaha adbycca ŭdziełu Donalda Trampa ŭ samicie NATA ŭ Turcyi 7—8 lipienia», — adznačyŭ pamočnik Pucina.
Ton infarmacyi Ušakova byŭ łahodny.
«Amierykanski prezident znoŭ paćvierdziŭ hatoŭnaść sadziejničać chutčejšamu spynieńniu bajavych dziejańniaŭ, pošuku mirnych rašeńniaŭ pa pieraadoleńni kryzisu», — padkreśliŭ Ušakoŭ.
Śpiecpasłańniki amierykanskaha prezidenta Donalda Trampa buduć hatovyja praciahnuć pasrednickija namahańni i znoŭ pryjechać u Maskvu, zajaviŭ Ušakoŭ.
Raniej vizity Uitkafa i Kušniera nie raz pieranosilisia.
«Razmova, heta ŭžo čaćviortaja ŭ biahučym hodzie, była, naturalna, nie tolki pratakolnaj, ale i dziełavoj i vielmi kanstruktyŭnaj. Hetaja razmova dazvoliła adkryta abmierkavać aktualnyja siužety dvuchbakovaha i mižnarodnaha paradku dnia», — adznačyŭ Ušakoŭ.
Razmova Trampa i Pucina prajšła na fonie ŭzmacnieńnia ŭdaraŭ Ukrainy ŭ hłybini Rasii, a taksama pa akupavanych terytoryjach. U vyniku źniščeńnia vialikaj častki rasijskich naftapierapracoŭčych zavodaŭ u RF uźnik vostry paliŭny kryzis i pačało narastać niezadavalnieńnie nasielnictva vajnoju.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary