«Jość realnaja pierśpiektyva zaviaršyć vajnu». Zialenski zrabiŭ aptymistyčnuju zajavu paśla razmovy z Trampam
Prezident Ukrainy pravioŭ telefonnuju razmovu z amierykanskim lidaram Donaldam Trampam. Pa vynikach hutarki Uładzimir Zialenski paviedamiŭ, što bačyć mahčymaść zaviaršeńnia vajny i anansavaŭ asabistuju sustreču na budučym samicie NATA.
Jak paviedamiŭ Uładzimir Zialenski ŭ svaim aficyjnym telehram-kanale, 4 lipienia, u Dzień niezaležnaści ZŠA, jon patelefanavaŭ Donaldu Trampu. Pa słovach ukrainskaha prezidenta, u ich adbyłasia «vielmi dobraja razmova».
Zialenski vykazaŭ padziaku Złučanym Štatam za ŭsiu akazanuju dapamohu, «ad «džavielinaŭ» i «petryjotaŭ» da palityčnaj padtrymki».
«My nadzvyčaj cenim toje, što Amieryka padtrymlivaje nas u abaronie našaj niezaležnaści», — dadaŭ jon.
Hałoŭnaja častka paviedamleńnia tyčyłasia abmierkavańnia situacyi na froncie i dypłamatyčnych pierśpiektyŭ.
«Jość realnaja pierśpiektyva zaviaršyć hetuju vajnu, i rašučaść Amieryki budzie mieć vyrašalnaje značeńnie», — zajaviŭ ukrainski prezident.
Taksama jon paviedamiŭ, što damoviŭsia z Donaldam Trampam praciahnuć razmovu asabista padčas samitu NATA, jaki projdzie ŭ Ankary.
«Dziakuj, Amieryka! Dziakuj, spadar Prezident!», — zaviaršyŭ svoj dopis Zialenski.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»7
Kamientary