Kaba-Verde dazvoliła Arhiencinie vyjści ŭ nastupny raŭnd tolki ŭ dadatkovy čas
U Miesi ŭžo 20 hałoŭ na čempijanatach śvietu.
U hulni 1/16 finału Arhiencina — Kaba-Verde na čempijanacie śvietu ledź nie zdaryłasia siensacyja. Čempijony śvietu prajšli ŭ nastupny raŭnd tolki ŭ dadatkovy čas.
Lijaniel Miesi adkryŭ lik na 29‑j chvilinie. Vialiki arhienciniec zabiŭ užo 20 hoł na čempijanatach śvietu i siomy na hetym mundyjali.
Na 59‑j Deroj Duarte lik zraŭniaŭ — dadatkovy čas.
Užo na treciaj chvilinie aviertajma Lisandra Marcinies vyvodzić Arhiencinu napierad, Sidniej Łopies Kabrał zraŭnivaje, adnak u 1/8 finału Arhiencinu vyvodzić aŭtahoł supiernika Deroja Borchiesa na 111 chvilinie.
Kaba-Verde nie vyjhrała nivodnaha matča na čempijanacie śvietu (na hrupavym turniry ŭ afrykanskaj zbornaj byli try ničyi), ale jany stali ŭsieahulnymi lubimčykami.
Arhiencina zhulaje ŭ 1/8 finału ź Jehiptam.
A siońnia a 20‑j užo pačnucca pajadynki 1/8 finału čempijanatu śvietu.
Užo viadomyja siem paraŭ 1/8 finału:
- Kanada — Maroka (subota, 20:00)
- Francyja — Parahvaj (noč na niadzielu, 00:00)
- Brazilija — Narviehija (niadziela, 23:00)
- Mieksika — Anhlija (paniadziełak, 03:00)
- Ispanija — Partuhalija (paniadziełak, 22:00)
- ZŠA — Bielhija (aŭtorak, 03:00)
- Arhiencina — Jehipiet (aŭtorak, 19:00)
- Šviejcaryja — Kałumbija/Hana (aŭtorak, 23:00).
Matčy 1/4 finału z 9 pa 12 lipienia, paŭfinały 14 i 15 lipienia, hulnia za bronzu — 18 lipienia, finał — 19 lipienia.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary
Śviatłana - adkryvaj tam ambasadu!