Za chvilinu da sieryi pienalci trenier aŭstralijcaŭ zamianiŭ hałkipiera. Dapamahło?
Asnoŭny i dadatkovy čas matča 1/16 finału čempijanatu śvietu pa futbole Aŭstralija — Jehipiet kaciŭsia da ničyi, kali trenier Toni Popavič pryniaŭ nieadnaznačnaje rašeńnie.
Na apošniaj chvilinie dadatkovaha času jon zamianiŭ 22‑hadovaha Patryka Biča, što vystupaje za «Mielburn Sici», na bolš vopytnaha hulca ispanskaha «Levante» 34‑hadovaha Mećju Rajana.
Bič zhulaŭ va ŭsich troch pajadynkach hrupavoha turniru, a dla Rajana heta byŭ debiut na čempijanatu śvietu.
U 2022 hodzie aŭstralijcy ŭžo vykarystoŭvali padobny taktyčny chod. U finale kvalifikacyi da čempijanatu śvietu jany sustrelisia sa zbornaj Pieru, i pierad sieryjaj paślamatčavych pienalci zamiest Rajana na pole vyjšaŭ Endru Redmejn. Tady Aŭstralii ŭdałosia atrymać pieramohu, piša Sports.ru.
Adnak hetym razam zamiena nie spracavała.
Bramnik, jaki vyjšaŭ na zamienu, nivodnaha razu nie vyratavaŭ svaju kamandu, a dvoje jaho partnioraŭ nie realizavali svaje ŭdary ŭ sieryi pienalci (vyšej varot i štanha) — u vyniku zbornaja Aŭstralii pakinuła turnir, a Jehipiet u 1/8 finału zhulaje z Arhiencinaj.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary
Kali ŭ finale 1994 ŭ Łos-Anželesie Barezi i Badža nie trapili pa bramcy, heta źmianiła staŭleńnie dla sieryj pienalci. Nastupnyja 2 pakaleńni hulcoŭ kudy surjoźniej stavilisia da hetaha praktykavańnia.
Mo, apaśla hetaha kubka taksama niešta źmienicca.