Partuhalija ŭ dramatyčnym matčy prajšła Charvatyju z asabistym niaščaściem charvataŭ na 15‑j dadatkovaj chvilinie
U 1/8 finału ŭ paniadziełak Partuhalija zhulaje ź Ispanijaj.
Pieršy tajm byŭ davoli sumny. Charvatyja vytrymała chvilin 15 nacisku partuhalcaŭ, a potym pajšła roŭnaja hulnia.
A z pačatku druhoha tajma pačałasia śpioka: Charvatyja adrazu stała atakavać, dźvie-try ataki, a ŭ nastupnaj 37‑hadovy Ivan Pieryšyč adkryŭ lik.
Praź niekalki chvilin Kryšcijanu Ranałdu lik zraŭniaŭ, ale bakavy sudździa machnuŭ ściažkom — afsajd. Zdajecca, KR u afsajdzie nie byŭ (tak padałosia z paŭtoru).
A jašče praź niekalki chvilin, padčas padačy vuhłavoha, Ułašyč u svajoj štrafnoj zavaliŭ partuhalckaha hulca.
Sudździa pajšoŭ hladzieć VAR — pienalci. Kryšcijanu Ranałdu zraŭnoŭvaje. Heta jahony treci hoł na turniry.
A na 4‑j dadatkovaj chvilinie Hansału Ramuš, zdavałasia, pastaviŭ kropku — 2:1.
Ale ŭ matčy było dadadziena 20 chvilin, charvaty paśla hoła ŭ svaje varoty kinulisia atakavać, i na 15‑j dadadzienaj Joška Hvardyjoł lik zraŭniaŭ. Znoŭ VAR: akazvajecca, Matanavič kranuŭsia rukoj, miač nie zaličany. Trahiedyja charvataŭ.
U 1/8 finału Partuhalija zhulaje ź Ispanijaj.
Siońnia a 6‑j ranicy hulnia Šviejcaryja — Ałžyr, a viečaram a 22‑j — Aŭstralija — Jehipiet.
Zavieršacca matčy 1/16 finału nočču i ranicaj suboty: Arhiencina — Kaba-Vierde (hadzina nočy) i Kałumbija — Hana (04:30).
A ŭžo viečaram u subotu matčam Maroka — Kanada (pačatak a 20-j) pačnucca pajadynki 1/8 finału.
Inšyja viadomyja pary:
- Francyja — Parahvaj (noč na niadzielu, 00:00)
- Brazilija — Narviehija (niadziela, 23:00)
- Mieksika — Anhlija (paniadziełak, 03:00)
- Ispanija — Partuhalija (paniadziełak, 22:00)
- ZŠA — Bielhija (aŭtorak, 03:00)
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Pienalci musiŭ być.
Znovu vielmi "cikavyja" pamyłki VAR.