Заўтра для рамонту моста каля плошчы Перамогі закрыюць праспект Незалежнасці. Як доўга будуць гэтыя нязручнасці ў сталіцы?
Мост праз раку Свіслач на праспекце Незалежнасці чакае рэканструкцыя. З 6 ліпеня абмяжуюць праезд па гэтым участку, а на іншых зменяць схему арганізацыі дарожнага руху, паведамляюць «Мінск-Навіны».
Ужо з панядзелка на гэтым праспекце ад вуліцы Я. Купалы да плошчы Перамогі ўводзяць абмежаванні для руху ўсіх відаў транспарту, акрамя грамадскага.
Плануецца, што мост закрыюць да 30 жніўня.
Аб’ехаць участак прапанавана па першым і другім транспартных кольцах, а таксама па вуліцах цэнтральнай часткі горада, прылеглых да праспекта Незалежнасці.
У шэрагу месцаў арганізуюць левы паварот:
з пр. Машэрава на вул. Куйбышава (пры руху з боку пр. Незалежнасці);
з пр. Машэрава на вул. М. Багдановіча (пры руху з боку пр. Незалежнасці);
з пр. Незалежнасці на вул. Казлова (калі ехаць з боку пл. Я. Коласа);
з вул. Я. Купалы на пр. Незалежнасці (пры руху з боку вул. Першамайскай).
Дзяржаўтаінспекцыя просіць улічваць гэтую інфармацыю пры выбары маршруту.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары