Археалагічныя даследаванні ў Крэўскім замку пад кіраўніцтвам супрацоўніка Інстытута гісторыі НАНБ Алега Дзярновіча прынеслі новыя вынікі, паведамляе прэс-служба ІГ НАНБ.
На тэрыторыі дзядзінца знайшлі падмуркі моста — дзве лініі каменнай муроўкі, на якія абапіраліся драўляныя канструкцыі моста ад так званай Малой брамы цераз замкавы стаў да пагорку на дзядзінцы. Такім чынам забяспечваліся абарончыя задачы, а адначасова функцыянаванне эфектыўнай сістэмы гідрарэгуляцыі.
Вядома, што пры будаўніцтве Крэўскага замка выкарыстоўвалася фартыфікацыйная канцэпцыя стварэння вакол яго затопленай прасторы. Але абаронцам замка трэба было ўмець жыць на вадзе. Замкавы мост на дзядзінцы быў часткай такога фартыфікацыйнага мастацтва.
Паводле праекту рэстаўрацыі, на тэрыторыі замка плануецца аднавіць два масты, у тым ліку і таго, падмуркі якога цяпер даследуюцца.
Археолагі знайшлі ў мураваных канструкцыях нішы для паляў моста, а пад мостам і побач з ім — падмуркі малых пабудоў.
Той самы масажыст расказаў, навошта здымаў голых кліентак2
Каментары