Turcyja departavała ŭ Rasiju dziaŭčynu, jakuju pieraśledujuć tam za antyvajenny nadpis
Hety precedent naŭprost moža tyčycca biełaruskich palitemihrantaŭ.
Tureckija ŭłady ździejśnili pieršuju viadomuju departacyju rasijskaj hramadzianki, jakuju pieraśledujuć na radzimie za palityku. Achviaraj hetaha rašeńnia stała 24‑hadovaja aktyvistka Aryjadna Litvinava, jakuju zatrymała tureckaja palicyja i ŭžo 4 lipienia prymusova adpraviła samalotam u maskoŭski aeraport.
Pa prybyćci dziaŭčynu zatrymali siłaviki.
Kryminalny pieraśled Litvinavaj pačaŭsia paśla taho, jak 24 lutaha jana naniesła antyvajenny nadpis «Zabojcy. Mir Ukrainie. Svabodu palitviaźniam» na vuličnych pravajennych banerach u Sankt-Pieciarburhu.
Spačatku na jaje skłali administracyjny pratakoł i zaviali spravu za vandalizm. Sud źmiaściŭ jaje pad vartu, ale paźniej źmiakčyŭ mieru strymańnia na «zabaronu peŭnych dziejańniaŭ», što dazvoliła aktyvistcy źbiehčy z krainy. Paśla jaje adjezdu rasijskija śledčyja pierakvalifikavali abvinavačańnie na bolš ciažki artykuł — ab paŭtornaj «dyskredytacyi» vojska i abviaścili dziaŭčynu ŭ vyšuk.
Hety precedent staŭ tryvožnym sihnałam dla palityčnych emihrantaŭ. Pravaabaroncy adznačajuć, što tureckaje i rasijskaje biuro Interpoła mahli pačać pramoje supracoŭnictva ŭ abychod centralnaha ofisa Francyi, tamu Turcyja bolš nie źjaŭlajecca biaśpiečnym miescam dla asob, jakim pahražaje kryminalny pieraśled z boku Kramla.
Historyja naŭprost moža tyčycca biełaruskich palitemihrantaŭ, bo Rasija i Biełaruś majuć adzinuju sistemu vyšuku i ščylnaje siłavoje supracoŭnictva: kali Ankara pačała vydavać aktyvistaŭ Kramlu, jana hetak ža moža vydać i pa zapycie Minska.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary