«Mnie tak chaciełasia b».
Alaksandr Łukašenka pry razhladzie kadravych pytańniaŭ zajaviŭ pra imknieńnie zrabić Škłoŭski rajon uzornym dla kapiravańnia pa ŭsioj krainie.
«Viedajučy dobra Škłoŭski rajon, ja chaču stvaryć adnosna ŭzorny rajon dla kapiravańnia pa ŭsioj krainie. Heta vielmi važna», — skazaŭ jon.
Łukašenka źviarnuŭ uvahu, što ŭ hetym rajonie adnoŭleny ŭsie klučavyja, nieabchodnyja dla raźvićcia sielskaj haspadarki na miascovym uzroŭni struktury, u tym liku rajahraservis, sielhaschimija, pierasoŭnyja miechanizavanyja kałony, ilnonasieńniavodčaja stancyja.
«Heta ŭsio nam treba. Usio heta adnoŭlena. Pa krainie — u roznaj stupieni heta reabilitavana i adnoŭlena, — skazaŭ jon. — Voś u Škłovie my heta ŭsio, uzhadvajučy minułaje, adnavili na surjoznym, vysokim uzroŭni. Tamu Škłoŭski rajon pavinien być uzorna-pakazalnym u hetym płanie. Mnie tak chaciełasia b».
Škłoŭski rajon — małaja radzima Łukašenki, tut jon namahajecca zrabić vitrynu svajho praŭleńnia.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary