«Мне так хацелася б».
Аляксандр Лукашэнка пры разглядзе кадравых пытанняў заявіў пра імкненне зрабіць Шклоўскі раён узорным для капіравання па ўсёй краіне.
«Ведаючы добра Шклоўскі раён, я хачу стварыць адносна ўзорны раён для капіравання па ўсёй краіне. Гэта вельмі важна», — сказаў ён.
Лукашэнка звярнуў увагу, што ў гэтым раёне адноўлены ўсе ключавыя, неабходныя для развіцця сельскай гаспадаркі на мясцовым узроўні структуры, у тым ліку райаграсэрвіс, сельгасхімія, перасоўныя механізаваныя калоны, ільнонасенняводчая станцыя.
«Гэта ўсё нам трэба. Усё гэта адноўлена. Па краіне — у рознай ступені гэта рэабілітавана і адноўлена, — сказаў ён. — Вось у Шклове мы гэта ўсё, узгадваючы мінулае, аднавілі на сур’ёзным, высокім узроўні. Таму Шклоўскі раён павінен быць узорна-паказальным у гэтым плане. Мне так хацелася б».
Шклоўскі раён — малая радзіма Лукашэнкі, тут ён намагаецца зрабіць вітрыну свайго праўлення.
Цяпер чытаюць
Бабарыка зоймецца бізнэсам — ужо адкрыў кампанію ў Германіі20
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары