Na poŭdni Kitaja z-za maštabnych pavodak, vyklikanych tajfunam, sotni źmiej uciakli sa śpiecyjalnych hadavalnikaŭ. Na voli apynulisia jak niejadavityja, tak i jadavityja vidy, u tym liku kobry, krajty i zialonyja jamkahałovyja hadziuki, paviedamlaje The Guardian.
Asabliva paciarpieła źmiainaja fierma ŭ horadzie Chedžoŭ. Pavodle paviedamleńniaŭ miascovych žycharoŭ, mnohija reptylii raspaŭźlisia pa navakolli. Adzin z paciarpiełych raskazaŭ, što jaho ŭkusiła kobra, kali jon prybiraŭ śmiećcie ŭ svaim domie.
Miascovyja miedyki paviedamili, što ŭžo akazali dapamohu niekalkim ludziam, jakija paciarpieli ad ukusaŭ źmiej.
Pavodki pryviali da praryvu dźviuch płacin u Huansi, u vyniku čaho niekalki nasielenych punktaŭ apynulisia adrezanymi vadoj. Pavodle apošnich danych, zahinuli jak minimum šeść čałaviek, bolš za 50 tysiač byli evakujavanyja, jašče niekalki ličacca źnikłymi bieź viestak.
Ułady ŭzmacnili miery biaśpieki: pavialičyli zapasy supraćjadździa, arhanizavali dadatkovyja miedycynskija punkty i raspaŭsiudzili rekamiendacyi, jak paźbiehnuć ukusaŭ źmiej i što rabić u vypadku napadu. Kiraŭnik Kitaja Si Dzińpin zaklikaŭ zadziejničać usie mahčymyja resursy dla likvidacyi nastupstvaŭ stychii i vyratavańnia ludziej.
Navukoŭcy vypuścili ŭ biełaruskuju pryrodu pieršuju partyju śpiecyjalna vyhadavanych redkich źmiej
Hihanckaja źmiajuka napałochała ludziej u Mazyry. Vyśvietliłasia, što jaje vyhulvaŭ 12‑hadovy chłopčyk
Kroŭ mužčyny, jakoha bolš za 200 razoŭ kusali źmiei, stała asnovaj dla ŭniviersalnaha supraćjadździa
Čaćviorty vid źmiej moža źjavicca ŭ Biełarusi praź źmianieńnie klimatu
Indyja choča vykarystoŭvać źmiej i krakadziłaŭ dla abarony dziaržaŭnaj miažy
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5555
Kamientary