A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
Padtrymka «Našaj Nivy» vyrasła na 24%. My mocna ciešymsia takoj acenkaj našaj pracy.
Tak vyjšła — nie taho my chacieli, ale tak užo vyjšła — što biełarusy na siońnia stali «sietkavaj nacyjaj»: raściarušanaj u śviecie, jakaja svaju biełaruskaść i tradycyju zachoŭvaje pieravažna anłajn, bo ŭnutry krainy «zabaroniena ŭsio». I tak budzie da taho času, pakul u Minsku nie adbuducca palityčnyja pieramieny.
Dla nas honar, najvyšejšaja acenka našaj pracy, što «Našaj Nivie» biełarusy Litvy pieraličyli najbolš z usich biełaruskich ŚMI — 19 023 jeŭra. Heta na 24,4% bolš, čym hod tamu.
Z hramadskich arhanizacyj stolki ž, kolki «Naša Niva», sabraŭ jašče Biełaruski muziej imia Ivana Łuckieviča — 19 320 jeŭra (najbolš ź biełaruskich inicyjatyŭ u Litvie).
Ale vyniki zboru ŭ Litvie (u Polščy hetyja danyja apracoŭvajucca daŭžej, stanuć viadomyja pad vosień) pakazvajuć taksama, jak šmat hrošaj u biełarusaŭ «valajecca pad nahami». Heta pytańnie pary klikaŭ padčas padačy padatkovych dekłaracyj u Polščy i Litvie — paru klikaŭ, i ty pieraličyŭ pracent ad padachodnaha tamu, čyja praca tabie važnaja.
Hetyja hrošy mohuć pajści na biełaruskuju spravu, a inakš vykarystajuć litoŭskaja, polskaja dziaržava na svaje patreby. Nie zabudźcie zrabić hetyja kliki i ŭ nastupnym hodzie.
Pieraličycie 1,2 abo 1,5% padachodnaha na biełaruskuju spravu. Inakš dziaržava skarystaje tyja hrošy sama. I paprasicie vašych supracoŭnikaŭ zrabić toje samaje
Biełarusam u krainach Volnaha śvietu nielha zastavacca ŭ zdranćvieńni «tolki ž nie varušysia, tolki ž nie vytyrkajsia, tolki ž nie źviartaj na siabie ŭvahi», jakoje jość naturalnym sposabam samazachavańnia pry žyćci pad dyktaturaj.
Kab zastacca mocnaj supolnaściu navat u pieryjad vymušanaj sietkavaści, kab zachavać ŚMI, navuku, cerkvy, škołki, letniki, fiestyvali, palityčnaje pradstaŭnictva, musim vykarystoŭvać kožny dastupny instrumient — u tym liku i hety pracent ad padatkovaha. Heta para siekundaŭ dla kožnaha — a supolnaść atrymlivaje salidnyja hrošy.
Ahułam to pa Litvie samaja papularnaja inicyjatyva — fond dapamohi Ukrainie Mėlyna ir geltona («Žoŭta-błakitny»), na jaho ludzi zadanacili najbolš — i biełarusy, upeŭnieny, taksama.
I nahadvaju zaŭsiodnaje: kali vam važna toje, što robić «Naša Niva», padtrymajcie nas i praz Patreon, praz Pejpoł, abo pieradaŭšy Redakcyi ich lubym inšym zručnym dla vas sposabam, praz tych redaktaraŭ i žurnalistaŭ «Našaj Nivy», jakich vy viedajecie asabista.
A jašče — padkazvajcie nam, na što źviarnuć uvahu, padkazvajcie, što nam treba viedać, padkazvajcie, u čym my pamylajemsia, i pieradavajcie infarmacyju znutry Biełarusi praz telehram @nn_editor abo na mejł [email protected]. Abo ŭ Sihnał ci inšym sposabam tym z redaktaraŭ i žurnalistaŭ «NN», jakich viedajecie asabista.
«Naša Niva» — bastyjon biełaruščyny
PADTRYMAĆCiapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY4
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Red. Nie, heta nie małaja dla nas suma, hetaha nie mała. I nie zabyvajcie, što heta tolki pracent ź Litvy. Jašče Polšča, a jašče inšyja krynicy dachodaŭ.
[Zredahavana]
Red. U Biełarusi bolš represiŭny režym, čym u Rasii, tamu mnohaje toje, što mohuć rabić Dudź i h.d., my rabić nie možam, kab nie padstaŭlać ludziej, karystalnikaŭ pad represii. Heta datyčyć i VPNaŭ. Usio, što možna rabić dla nas biaśpiečna, my prosim: pieraličvajcie pracent ad padachodnaha, nie adklučajcie rekłamy na sajcie, danaćcie praz Patreon, dapamahajcie tym žurnalistam, jakich viedajecie asabista.
[Zredahavana]