Stała viadoma novaje miesca pracy eks-kiraŭnika Homiela, pra jakoha havaryli, što jon u SIZA
Były staršynia Homielskaha harvykankama Uładzimir Pryvałaŭ raptoŭna straciŭ pasadu ŭ mai. Jaho zvalnieńnie adbyłosia na fonie čutak pra jaho aryšt i machinacyi ź nieruchomaściu — tady Śledčamu kamitetu navat pryjšłosia vystupać z aficyjnym abviaržeńniem hetaj infarmacyi.
Były staršynia Homielskaha harvykankama Uładzimir Pryvałaŭ pryznačany kiraŭnikom administracyi svabodnaj ekanamičnaj zony «Homiel-Raton». Adpaviednaja pastanova Savieta ministraŭ była apublikavanaja 9 lipienia.
Na hetaj pasadzie jon źmianiŭ Dźmitryja Lebiedzia, jakoha zvolnili pa pahadnieńni bakoŭ.
Alaksandr Łukašenka źniaŭ Pryvałava z pasady kiraŭnika Homiela 12 maja paśla troch z pałovaj hadoŭ pracy. Jaho miesca zaniaŭ Rusłan Parchamovič (były pamočnik Łukašenki pa rehijonie).
Pryčyny hetaj kadravaj pierastanoŭki tady nie ahučvalisia.
Na fonie adstaŭki vydańnie «Fłahštok» paviedamiła pra mahčymaje zatrymańnie Pryvałava pa spravie ab machinacyjach z kvaterami i źmiaščeńnie jaho ŭ SIZA.
Adnak 18 červienia Śledčy kamitet abvierh hetyja čutki, zajaviŭšy, što nijakaha kryminalnaha pieraśledu ŭ dačynieńni da eks-čynoŭnika niama, i pačaŭ kryminalnuju spravu za paklop.
Kamientary