Viedamstva zaviało kryminalnuju spravu za paklop.
«U červieni praz roznyja internet-resursy pačała raspaŭsiudžvacca iłžyvaja infarmacyja pra zatrymańnie i źmiaščeńnie ŭ SIZA byłoha staršyni Homielskaha harvykankama Uładzimira Pryvałava. Ukazanaja infarmacyja nie adpaviadaje rečaisnaści. U dačynieńni da Uładzimira Pryvałava kryminalnaja sprava nie zavodziłasia, kryminalny pieraśled nie ažyćciaŭlaŭsia», — havorycca ŭ paviedamleńni viedamstva.
SK zaznačaje, što raspačataja kryminalnaja sprava pavodle artykuła 188 (paklop) Kryminalnaha kodeksa.
Infarmacyju, što na Uładzimira Pryvałava zaviali kryminalnuju spravu, dało ŭ aŭtorak 16 červienia aŭtarytetnaje i infarmavanaje homielskaje vydańnie «Fłahštok».
«Aficyjna pra zatrymańnie i kryminalnuju spravu ničoha nie paviedamlajecca, ale, ź infarmacyi krynicy vydańnia, eks-staršyniu harvykankama abvinavačvajuć u machinacyjach ź pieraprodažam kvater. Papiarednie, u spravie jość i inšyja fihuranty-čynoŭniki. Pryvałaŭ znachodziŭsia ŭ homielskim SIZA, ale niadaŭna moh być adpuščany pad padpisku ab niavyjeździe», — pisaŭ «Fłahštok».
Publikacyja nazyvałasia «Eks-staršynia Homielskaha harvykankama znajšoŭsia ŭ SIZA».
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior18
Kamientary
Dzie rečavyja dokazy? Dzie ŭliki? Dzie dron?
Na jakoj padstavie ŭsie dziaržaŭnyja prapahandysty choram pa televizary śćviardžajuć, što heta byŭ "ukrainski dron"?
Vy im dali dazvoł biez publikacyi vynikaŭ śledstva, jakoje vy jašče nie praviali, tak śćviardžać?
A kali heta apyniecca nie dron? A kali nie ŭkrainski?
To za paklop zaviadziecie kryminalnyja spravy na havaraščyja hałovy z televizara?
Jakija pracujuć na ŭciahvańnie Biełarusi ŭ vajnu (što patrebna Rasiei, kab uvieści svaje vojski i pieraŭtvaryć terytoryju Biełarusi ŭ vyžžanaje pole vajny)?