«Hetaje leta nam daviadziecca krychu paciarpieć». U Klecku prablemy z vadoj, krejda ŭ ziamli ŭskładniła śvidravańnie
U Klecku brakuje vady, asabliva pa viečarach. Burać novuju śvidravinu, 300 mietraŭ uhłybki. Ale raboty pakul vykananyja tolki napałovu.
«Na hety momant raboty vykananyja na 50%, — raskazaŭ haziecie «Da novych pieramoh» načalnik kleckaha cecha vodazabieśpiačeńnia Alaksiej Daškievič. — Śvidravina vielmi hłybokaja, u nas takich jašče niama», — dadaŭ jon.
Placoŭku dla jaje vybrali prosta kala pompavaj stancyi na vulicy Pieramohi, kab nie marnavać čas i enierhiju na transpartavańnie vady.
Pracy vykonvaje viciebskaje TAA «ZachadVadBud», jakoje vyjhrała tendar. Raboty raspačali jašče ŭ pačatku maja, ale terminy ŭžo razyšlisia z płanam: pašpart abjekta abiacaŭ zaviaršyć bureńnie jašče ŭ mai.
Zatrymka tłumačycca siurpryzami hieałohii. «U našych nietrach na peŭnaj hłybini pajšoŭ nie toj hrunt: ni piasok, ni suhlinak, a niejkija krejdavyja adkładańni», — tłumačyć Daškievič.
Śvidravina płanujecca na 300 mietraŭ — utraja hłybiejšaja za zvyčajnyja haradskija, tamu i pracy tut udvaja bolš. Zatoje płanavaja pradukcyjnaść budzie 70 kubamietraŭ vady za hadzinu, što amal napałovu zakryje patreby miesta.
Tym časam kleckim ludziam daviadziecca jašče trochi paciarpieć.
«Hetaje leta nam jašče treba krychu paciarpieć, — źviartajecca da ziemlakoŭ Alaksiej Daškievič. — Siońnia jašče śpioka, a praz tydni dva projduć daždžy, i hetaja tema stanie nie takaja aktualnaja».
Pry haračyni spažyvańnie vady ŭ Klecku siahaje 200 kubamietraŭ u hadzinu, i reziervuar u 2000 ton za sutki poŭnaściu vyčerpvajecca — tamu nočču vada časam źnikaje na niekalki hadzin, a ŭ šmatpaviarchovikach i na ŭzvyššach pryvatnaha siektara naporu moža nie chapać uvohule.
Pad publikacyjaj čytačy cikaviacca, ci spłaciać budaŭniki štraf za sarvanyja terminy i čamu prablema z vadoj abvastryłasia mienavita ciapier.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary