Tramp nazvaŭ situacyju z prypynieńniem dyskvalifikacyi Bałahuna samym zapaminalnym momantam mundyjalu
«Mnie daviałosia patelefanavać Infancina i dać jamu paradu», — skazaŭ prezident ZŠA.
Tramp nazvaŭ situacyju z prypynieńniem dyskvalifikacyi Bałahuna samym zapaminalnym momantam čempijanatu śvietu pa futbole.
«Mnie daviałosia patelefanavać Džani [Džani Infancina — prezident FIFA — NN] i dać jamu paradu. Ja skazaŭ: «Džani, ja raju dapuścić hetaha chłopca da hulni». Nie, ja takoha nie kazaŭ — ja skazaŭ, što chacieŭ by padać skarhu», — praciahnuŭ Tramp, pryznaŭšysia, što «paniaćcia nie mieŭ, što budzie paśla hetaha».
Što praŭda, Infancina raniej zajaviŭ, što FIFA samastojna pryniała rašeńnie ab admienie dyskvalifikacyi amierykanskaha futbalista.
Pavodle słoŭ kiraŭnika arhanizacyi, zvanok Trampa sapraŭdy adbyŭsia, adnak rašeńnie pa Fałaryna Bałahunie, jak śćviardžajecca, było pryniata samastojna.
Fałaryn Bałahun pavinien byŭ być dyskvalifikavany paśla matču 1/16 finału, kali ZŠA zhulali z Bośnijaj i Hiercahavinaj, dzie forvard atrymaŭ čyrvonuju kartku.
Na 64‑j chvilinie jon nastupiŭ na halonku abaroncu baśnijcaŭ Taryku Mucharemaviču. Spačatku sudździa nie zafiksavaŭ parušeńnie, ale paśla prahladu VAR pakazaŭ amierykancu pramuju čyrvonuju kartku. Čyrvonaja kartka praduhledžvaje nie tolki aŭtamatyčnaje vydaleńnie ŭ hulni, ale i propusk nastupnaha matča
Ale praź niekalki dzion FIFA prypyniła dziejańnie dyskvalifikacyi, zrabiŭšy jaje ŭmoŭnaj i pryznačyŭšy Bałahunu vyprabavalny termin praciahłaściu 12 miesiacaŭ, što dazvoliła amierykanskamu forvardu trapić u zajaŭku na matč 1/8 finału ź Bielhijaj.
Tramp tady, vystupajučy ŭ Biełym domie, Tramp zajaviŭ, što paprasiŭ FIFA pierahledzieć pakarańnie, pakolki, na jaho dumku, parušeńnia praviłaŭ nie było.
Vypadak byŭ biesprecedentny. Za ŭsiu historyju čempijanataŭ śvietu z 1930 hoda było pakazana 188 čyrvonych kartak, i tolki adzin futbalist raniej paźbieh nastupnaj dyskvalifikacyi. Heta byŭ brazilec Harynča na čempijanacie śvietu 1962 hoda — jašče da ŭviadzieńnia aŭtamatyčnych adchileńniaŭ.
U matčy ź Bielhijaj Bałahun vyjšaŭ u startavym składzie i pravioŭ na poli 92 chviliny, pakul nie byŭ zamienieny, a Bielhija vybiła ZŠA z turniru.
Tramp paćvierdziŭ, što asabista prasiŭ kiraŭnika FIFA nie dyskvalifikoŭvać forvarda zbornaj ZŠA pierad 1/8 finału
FIFA adkłała dyskvalifikacyju najlepšaha bambardzira zbornaj ZŠA paśla zvanka ź Biełaha doma
UEFA rezka krytykuje FIFA za dopusk forvarda ZŠA da hulni na čempijanacie śvietu paśla čyrvonaj kartki
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki8
Kamientary