Na mohiłkach pad Minskam zaŭvažyli vialikuju čaradu busłoŭ VIDEA
Na Lasnych mohiłkach u Minskim rajonie naviedvalniki zaŭvažyli vialikuju čaradu busłoŭ. Bolš za tryccać ptušak sabralisia na asfalcie i hazonach kala parkoŭki. Videa ź niezvyčajnaj karcinaj źjaviłasia ŭ sacyjalnych sietkach i chutka pryciahnuła ŭvahu karystalnikaŭ, piša Blizko.by.
Aŭtar publikacyi žartam zadaŭsia pytańniem, čamu busły vybrali mienavita hetaje miesca dla sustrečy. U kamientaryjach karystalniki taksama žartavali, vykazvajučy samyja roznyja viersii — ad «simpoziuma» i «turystyčnaha źlotu» da padrychtoŭki da adlotu ŭ vyraj.
Arnitołahi adznačajuć, što padobnyja zbory busłoŭ — zvyčajnaja źjava ŭ siaredzinie i kancy leta. Paśla zakančeńnia pieryjadu hniezdavańnia maładyja i darosłyja ptuški abjadnoŭvajucca ŭ vialikija čarody pierad vosieńskaj mihracyjaj. Jany mohuć źbiracca na adkrytych placoŭkach, palach, łuhach i inšych prastornych terytoryjach, dzie adpačyvajuć i kormiacca pierad doŭhim pieralotam.
Tamu niezvyčajnaja sustreča busłoŭ na Lasnych mohiłkach, chutčej za ŭsio, źviazana mienavita ź ich naturalnymi pavodzinami napiaredadni siezonnaha adlotu.
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary
Simvaličnaja karcina - šmat busłoŭ na mohiłkach. Prynieśli dziaciej, ale na mohiłki. Heta značyć dziaciej miortvych, nienarodžanych, abartavanych, vykidyšaŭ.
Heta simvał ciapierašniaha demahrafičnaha stanu ŭ Biełarusi: źnižeńnie naradžalnaści ŭ dva razy za apošnija niekalki hadoŭ: sa 100 tysiač dziaciej u hod da 50 tysiač. I pavieličeńnie kolkaści biaspłodździa, biaspłodnych par, jakija nia mohuć začać dzicia, ci vynasić.
U tym liku praz praceduru eko (embryjon hinie). Chto viedaje, kolki takich embryjonaŭ zahinuła....Redka chto adrazu ź pieršaj sproby eko zaciažarvaje, jašče radziej - naradžaje.