«Nichto nie viarnuŭsia». Jak vyrašyli pytańnie z rabotnikami z Uźbiekistana, niezadavolenymi ŭmovami ŭ Biełarusi
13 lipienia bolš za 200 žycharoŭ Andyžanskaj vobłaści Uźbiekistana prybyli ŭ Biełaruś dla pracy ŭ śfiery sielskaj haspadarki. A nieŭzabavie źjavilisia videa, u jakich mužčyny skardzilisia na nizkija zarobki i drennyja ŭmovy. Vydańnie «Lusterka» źviarnułasia ŭ Ahienctva mihracyi pry Kabiniecie ministraŭ Uźbiekistana z pytańniami pra toje, jak vyrašyŭsia kanflikt i ci praciahniecca supracoŭnictva.
«Nie ŭsie pracadaŭcy adnolkavyja»
Pradstaŭnica ahienctva padkreśliła, što heta byŭ piłotny prajekt pa sproščanaj pracedury. Pahadnieńnie zaklučyli Kamitet pa pracy, zaniataści i sacabaronie Viciebskaha abłvykankama, Ahienctva mihracyi pry Kabiniecie ministraŭ Uźbiekistana i chakimijat (administracyja) Andyžanskaj vobłaści.
Pa słovach čynoŭnicy, paśla skarhaŭ u sacsietkach baki pravieryli, ci vykonvajuć pracadaŭcy ŭmovy pracoŭnych dahavoraŭ. U vyniku ŭsie ŭźnikłyja pytańni byli nibyta ŭrehulavanyja.
«Dla hramadzian, umovy pracy jakich nie adpaviadali dahavornym abaviazacielstvam, pryniatyja nieabchodnyja miery, uklučajučy ich pieravod da inšych pracadaŭcaŭ, jakija zabiaśpiečvajuć praduhledžanyja damovaj umovy pracy i ŭzrovień apłaty, — adznačyła pradstaŭnica ahienctva».
Surazmoŭca paviedamiła, što nichto z hetaj hrupy pakul nie viarnuŭsia na radzimu. Usie, chto pryjechaŭ, u vyniku pracujuć u śfiery sielskaj haspadarki. Brudnyja pakoi, jakija rabotniki pakazvali na videa, jana prakamientavała koratka: «Užo pieraviali. Nie ŭsie pracadaŭcy adnolkavyja».
«Za nami navat zamacavali taksi»
Aŭtar videa, u jakim rabotniki aburalisia zarobkami pa 500 dalaraŭ, paźniej apublikavaŭ praciah. Jon paviedamiŭ, što ŭ vyniku ź imi zaklučyli damovy na zarobki ŭ 700 dalaraŭ ź biaspłatnym žyllom i abiedami. Pieršy rolik jon paprasiŭ vydalić, bo nie dumaŭ, što jon šyroka razyjdziecca.
Inšyja rabotniki z Uźbiekistana, jakija pryjechali ŭ Biełaruś, taksama aktyŭna dzialilisia ŭražańniami. Miarkujučy pa ich videa, było šmat i stanoŭčych vodhukaŭ. U siužecie navapołackaha dziaržkanała «Źviazda» možna bačyć, što ich pasialili ŭ internat zavoda «Palimir».
U Biełarusi čakajuć traktarystaŭ i cieślaroŭ
Nadalej, jak płanujecca, u Biełaruś praciahnuć pryjazdžać rabotniki z Uźbiekistana.
«Pačynajučy ź vieraśnia płanujecca štomiesiac zabiaśpiečvać pastajannaj pracaj u Viciebskaj vobłaści 500 žycharoŭ Andyžanskaj vobłaści, usiaho — piać tysiač. Dla hetaha ŭ horadzie Viciebsku budzie adkryta pradstaŭnictva Ahienctva mihracyi», — havorycca na sajcie prezidenta Uźbiekistana.
Surazmoŭca «Lusterka» dapoŭniła, što jość taksama płany pa pracaŭładkavańni ŭ vytvorčaj halinie Biełarusi. Naprykład, 15 lipienia pradstaŭniki ahienctva naviedali Minski aŭtazavod, dzie ŭžo pracujuć 120 hramadzian centralnaazijackaj respubliki.
Pavodle słoŭ čynoŭnicy, rabotnikaŭ čakajuć u śfiery žyviołahadoŭli, lasnoj haspadarki, vytvorčaści małočnaj i miasnoj pradukcyi i budaŭnictva. Siarod vakansij — traktaryst, mašynist ekskavatara, ciaślar, armaturščyk i elektrahazazvarščyk.
Kubrakoŭ: Pracoŭnyja mihranty ŭžo raźmierkavanyja pa pradpryjemstvach
«Nam zaraz płaciać pa 700 dalaraŭ zarobku». Aŭtar videa z pratestam uźbiekaŭ zapisaŭ novaje, a staroje zaklikaje vydalić
«Apłata ahavorvałasia zahadzia». Prapahandysty pajšli ŭ ataku na nie zadavolenych zarobkam uźbiekaŭ
Mihranty z Uźbiekistana, jakija tolki pryjechali, paprasili viarnuć ich ź Biełarusi: abiacanych zarobkaŭ niama
«Vam niama kudy ludziej dziavać». Łukašenka natchniaŭ uźbiekaŭ zasialać apuściełuju Mahiloŭščynu
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
tre było úsiaho tolki ú 1992 h úsim vyjści na vulicy , kali šuškievič zablakavaú Referendum , a na jaho sabrali kala Miljona podpisaú , ciapieraka nia vieraščycia .
Pakazašunaja pieršaja parcija pavinna mieć vydatnyja ŭmovy, bo patrebien pijar.
Hałoŭnaja mietryka tut - nastupnyja partyi. I ich, užo zrazumieła, budzie mienš i mienš. Bo adpaviednych ŭmoŭ i realnych zarobkaŭ tam niama. A ŭsiaki raz ŭładkoŭvać dla kožnaj partyi uźbiekaŭ "dažynki" - nijakich hrošaj nie chopić.