«Nam zaraz płaciać pa 700 dalaraŭ zarobku». Aŭtar videa z pratestam uźbiekaŭ zapisaŭ novaje, a staroje zaklikaje vydalić
Va ŭźbiekskim telehram-kanale «Migrantlar 24 | Musofirłar» źjaviłasia videa adnaho z mužčyn, jakija pryjechali na pracu ŭ Biełaruś. Jon nazyvaje siabie aŭtaram videa, na jakim vykazvajecca niezadavolenaść umovami pracy, i zaklikaje ŭsich jaho nieadkładna adusiul vydalić, bo ciapier usio ŭžo, maŭlaŭ, kudy lepiej, čym było raniej.
«Šanoŭnyja hramadzianie, kali łaska, chucieńka vydalicie videa, jakoje ja raspaŭsiudziŭ. Kali vy raźmiaścili jaho na svaich kanałach, vydalicie ŭsie. Toje videa było źniata ŭ pieršy dzień, u pieršy dzień na novaj pracy, kali my tolki pryjechali…
Taja praca akazałasia inšaj, a voś ciapier… Heta novaja praca, nam usim jaje prapanujuć. Zaraz jany zabiaśpiečvajuć pracaj voś hetuju kolkaść ludziej.
Tady ja taksama zdymaŭ videa, sam zdymaŭ. Była supołka dla hramadzian Uźbiekistana, i voś u hetaj supołcy «Uźbiekistan-Biełaruś» ja padzialiŭsia videa, kab pakazać, u jakich umovach znachodziacca tyja, chto pryjechaŭ i jašče nie źjechaŭ, pakazać, što voś u nas takija ŭmovy. A vy ŭziali i raspaŭsiudzili heta pa ŭsich sacyjalnych sietkach. Nie rabicie tak bolš nikoli.
Nam zaraz płaciać pa 700 dalaraŭ zarobku, dajuć biaspłatnaje žyllo…», — śćviardžaje mužčyna.
Raniej na zapisie, zroblenym, imavierna, u Viciebsku, vialikaja hrupa mužčyn źviartajecca da kiraŭnika (chakima) Andyžanskaj vobłaści Šuchratbieka Abdurachmanava i skardzicca na ŭmovy, jakija im prapanavali paśla pryjezdu.
Pavodle ich słoŭ, padčas sustrečy z pradstaŭnikom pracadaŭcy im paviedamili, što zarobak składzie kala 500 dołaraŭ na miesiac, a vydatki na charčavańnie i pražyvańnie jany pavinny buduć nieści samastojna.
«Jon skazaŭ: kali jość praca bolš čym na 500 dalaraŭ, dyk idzicie, ja bolš hrošaj nie dam. Zarobak — 500 dalaraŭ, charčavańnie za tvoj košt, za žyllo sam płaciš», — raskazvajuć mihranty.
Jany śćviardžajuć, što na takija ŭmovy nie pahadziŭsia nichto.
«Usie astatnija my — nie, za 500 dalaraŭ pracavać nie budziem», — kažuć jany.
Adzin z mužčyn tłumačyć, što paśla apłaty asnoŭnych vydatkaŭ ad zarobku amal ničoha nie zastaniecca.
«Apłata ahavorvałasia zahadzia». Prapahandysty pajšli ŭ ataku na nie zadavolenych zarobkam uźbiekaŭ
Mihranty z Uźbiekistana, jakija tolki pryjechali, paprasili viarnuć ich ź Biełarusi: abiacanych zarobkaŭ niama
«Vam niama kudy ludziej dziavać». Łukašenka natchniaŭ uźbiekaŭ zasialać apuściełuju Mahiloŭščynu
Stała viadoma, pa jakich praviłach buduć masava pracaŭładkoŭvać uźbiekaŭ u Biełarusi
Kamientary