Kiroŭca zapytała ŭ «Biełarusnafty», čamu na ich zapraŭkach adsutničajuć prakładki — adkaz kampanii raźjušyŭ biełarusak
«A piva abaviazkova dla realizacyi? Ci siemki?»
Biełaruska nie znašła na zapraŭcy «Biełarusnafty» prakładki i spytała ŭ sietki AZS, čamu srodkaŭ žanočaj hihijeny niama na pryłaŭkach.
«Takaja katehoryja pradukcyi nie źjaŭlajecca abaviazkovaj dla realizacyi», — prakamientavali pradstaŭniki sietki zapravak u Threads.
«Čamu akaŭnt AZS adkazvaje tak, nibyta ni žančyn, ni miesiačnych u Biełarusi nie isnuje?» — nie razumiejuć klijenty.
Žančyny ŭpeŭnienyja, što ŭ 2026 hodzie śćviardžać, što prakładki na AZS — «nieabaviazkovaja reč», — soram i hańba.
«A piva abaviazkova dla realizacyi? C siemki? Prakładki zajmajuć tak šmat miesca? Vy surjozna? Ci vy ličycie, što niama popytu? U vas ža i siarod piersanału šmat žančyn», — nie chavaje abureńnia Iryna, jakaja nie znajšła na AZS pa darozie srodki hihijeny.
Akazałasia, što jana nie adzinaja biełaruska, jakaja sutyknułasia z takim niepryjemnym siurpryzam.
Paśla hetaha žančyna śpiecyjalna pačała praviarać zapraŭki «Biełarusnafty» i vyjaviła, što heta prablema nie tolki adnoj kropki. Akramia taho, u niekatorych punktach adsutničali i pampiersy dla dziaciej, što aktualna dla maładych maci-kiroŭcaŭ.
«La niekatorych viosak AZS — adzinaja krama»;
«Časam čałaviek vyjazdžaje na vialikuju adlehłaść i ŭ jaho niama času zajazdžać u horad u pošukach kram i HC, i zapraŭki musiać być zabiaśpiečanyja bazavym naboram hihijeny»;
«Žančyna ahučyła prablemu, heta nie jaje kapryz, a sapraŭdy važnaja častka našaha štodzionnaha žyćcia. Vaša zadača prostaja — prysłuchacca i danieści da kiraŭnictva»;
«Nie ŭličvać mierkavańnie bolšaj častki nasielnictva? Vy surjozna?»;
«U krasaviku, pozna nočču, pa viartańni damoŭ z-za miažy, ja vyjšła ad vas z pustymi rukami — mianie vyručyli žančyny ŭ aŭtobusie. Kavy i chot-dohaŭ chapiła na ŭsich, a bazavych srodkaŭ hihijeny ŭ vas nie znajšłosia»;
«U cyvilizavanych miescach prakładki i tampony lažać u tualetach biaspłatna, a tut navat za hrošy nie kupiš, što za treš?» — nie zrazumieli pazicyju kampanii kamientatary.
Pry hetym supracoŭniki niekatorych inšych kampanij ściamili skarystacca situacyjaj i napisali, što, u adroźnieńnie ad «Biełarusnafty», u ich usie patrebnyja tavary majucca ŭ prodažy.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
[Zredahavana]