Što za siamju zabili ŭ vyniku ŭdaru pa vioscy pad Kryvym Roham — zahinuła šeść čałaviek, ź ich čaćviora dzieci
Razam z baćkami ŭ domie znachodzilisia siamiora dziaciej.
U pasiołku Radašnaje Dnieprapiatroŭskaj vobłaści ŭ vyniku pramoha traplańnia balistyčnaj rakiety ŭ pryvatny dom zahinuli šeść čałaviek z šmatdzietnaj siamji Voranavych, čaćviora ź ich — dzieci, piša «Ukrainskaja praŭda».
U vyniku abstrełu taksama paciarpieli jak minimum vosiem čałaviek, siarod ich — dvoje dziaciej.
47‑hadovy Arciom i 41‑hadovaja Alena Voranavy vychoŭvali dziesiać dziaciej.
Razam z baćkami ŭ domie znachodzilisia siamiora dziaciej: 17‑hadovy Mark, 15‑hadovaja Daminika, 14‑hadovaja Vijoryka, 12‑hadovy Zacharyj, 11‑hadovy Azaryj-Iłaj, 10‑hadovaja Fiederyka i 6‑hadovaja Emilija.
«Taksama doma znachodziŭsia paŭtarahadavy ŭnuk Arciom — syn starejšaha syna, jaki ciapier słužyć u vojsku. Starejšaja dačka Voranavych i jašče adzin syn zaraz znachodziacca za miažoj. Žyvaja taksama babula», — paviedamlaje vydańnie «Svaje. Kryvy Roh».
Pra hibiel rodnych syn siamji Maćviej daviedaŭsia ź miascovaj supołki ŭ sacyjalnych sietkach.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary