Ci zhnili «Džyli»? Jašče j jak zhnili! Voś jak vyhladaje Geely Atlas Pro paśla troch biełaruskich zim
Viciebskaja majsternia, jakaja zajmajecca kuzaŭnym ramontam aŭto i antykarazijnaj apracoŭkaj kuzava, pakazała, što stałasia z parkietnikam Geely paśla troch biełaruskich zim.
Na videa pakazany Geely Atlas Pro 2022 hoda z prabieham 95 tysiač kiłamietraŭ.
Niahledziačy na toje, što čatyrochhadovy parkietnik pieražyŭ usiaho try zimy, dnišča aŭtamabila maje šmat ačahoŭ karozii.
«A źnizu tut usio — užo torba, kupa ržy. Z sutykaŭ mietału idzie rža, usio łuščycca, plus u schavanych połaściach situacyja takaja samaja», — kaža majstar i pakazvaje, jak šmat karozii ŭ aŭto 2022 hoda vypusku.
Na videa bačna, što na dniščy nie zastałosia nivodnaha elemienta, jaki b nie začapiła karozija.
Šmat karozii taksama na belkach i inšych elemientach kuzava. Irža nie paškadavała łanžeronaŭ i ŭzmacnialnikaŭ.
Aproč miescaŭ, dzie karozija ŭžo prykmietna raźjeła mietał, na hetym Geely nie brakuje miescaŭ, dzie łakafarbavy słoj tolki niadaŭna advaliŭsia i ŭtvaryŭ miescy z aholenym mietałam.
Admietna, što karozija idzie pierš za ŭsio ŭ miescach, dzie iduć macavańni, što asabliva niebiaśpiečna ŭ budučyni, kali karozija raźjeść mietał.
Nie mienš žachliva vyhladajuć kołavyja arki. Kab nie davieści da taho, kab praź jašče niekalki biełaruskich zim hetuju Geely daviałosia varyć, ułaśniku musova vykłaści niamała hrošaj na vydaleńnie ržy z nastupnaj hruntoŭkaj i antykarazijnaj apracoŭkaj.
-
«6850 rubloŭ — norm?» Klijentka karšerynhu paskardziłasia na vielizarny štraf paśla DTZ. Što adkazali ŭ kampanii
-
MAZ pakazaŭ novuju aŭtakramu na kołach, jakaja budzie jeździć pa vioskach
-
U Biełarusi pradajuć lehiendarny Rolls-Royce 1977 hoda. U takoj viersii było vypuščana ŭsiaho 500 mašyn. Kolki prosiać?
Kamientary