Кіроўца запытала ў «Беларуснафты», чаму на іх запраўках адсутнічаюць пракладкі — адказ кампаніі раз'юшыў беларусак
«А піва абавязкова для рэалізацыі? Ці семкі?»
Беларуска не знашла на запраўцы «Беларуснафты» пракладкі і спытала ў сеткі АЗС, чаму сродкаў жаночай гігіены няма на прылаўках.
«Такая катэгорыя прадукцыі не з’яўляецца абавязковай для рэалізацыі», — пракаментавалі прадстаўнікі сеткі заправак у Threads.
«Чаму акаўнт АЗС адказвае так, нібыта ні жанчын, ні месячных у Беларусі не існуе?» — не разумеюць кліенты.
Жанчыны ўпэўненыя, што ў 2026 годзе сцвярджаць, што пракладкі на АЗС — «неабавязковая рэч», — сорам і ганьба.
«А піва абавязкова для рэалізацыі? Ц семкі? Пракладкі займаюць так шмат месца? Вы сур’ёзна? Ці вы лічыце, што няма попыту? У вас жа і сярод персаналу шмат жанчын», — не хавае абурэння Ірына, якая не знайшла на АЗС па дарозе сродкі гігіены.
Аказалася, што яна не адзіная беларуска, якая сутыкнулася з такім непрыемным сюрпрызам.
Пасля гэтага жанчына спецыяльна пачала правяраць запраўкі «Беларуснафты» і выявіла, што гэта праблема не толькі адной кропкі. Акрамя таго, у некаторых пунктах адсутнічалі і памперсы для дзяцей, што актуальна для маладых маці-кіроўцаў.
«Ля некаторых вёсак АЗС — адзіная крама»;
«Часам чалавек выязджае на вялікую адлегласць і ў яго няма часу заязджаць у горад у пошуках крам і ГЦ, і запраўкі мусяць быць забяспечаныя базавым наборам гігіены»;
«Жанчына агучыла праблему, гэта не яе капрыз, а сапраўды важная частка нашага штодзённага жыцця. Ваша задача простая — прыслухацца і данесці да кіраўніцтва»;
«Не ўлічваць меркаванне большай часткі насельніцтва? Вы сур’ёзна?»;
«У красавіку, позна ноччу, па вяртанні дамоў з-за мяжы, я выйшла ад вас з пустымі рукамі — мяне выручылі жанчыны ў аўтобусе. Кавы і хот-догаў хапіла на ўсіх, а базавых сродкаў гігіены ў вас не знайшлося»;
«У цывілізаваных месцах пракладкі і тампоны ляжаць у туалетах бясплатна, а тут нават за грошы не купіш, што за трэш?» — не зразумелі пазіцыю кампаніі каментатары.
Пры гэтым супрацоўнікі некаторых іншых кампаній сцямілі скарыстацца сітуацыяй і напісалі, што, у адрозненне ад «Беларуснафты», у іх усе патрэбныя тавары маюцца ў продажы.
Каментары
[Зрэдагавана]