U stalicy zdajecca studyja płoščaj 15 mietraŭ. A što, užo i takija byvajuć?
Abjava z prapanovaj arendy adnapakajoŭki niepadalok ad mietro Hrušaŭka za $250 adrazu vyklikała ažyjataž. Praŭda, niahledziačy na najaŭnaść ułasnaha zakutka-kuchni dy izalavanaha tualeta z dušavoj kabinaj, u realnaści heta nijak nie nazavieš kvateraj.
Paśla vialikaj kolkaści zvankoŭ ad zacikaŭlenych sama haspadynia ŭdakładniła detali: heta studyja płoščaj 15 m² u pamiaškańni typu kamunałki z ahulnym kalidoram. To-bok zvyčajnuju kvateru tut padzialili na niekalki mikra-kvaterak.
Znachodzicca tak zvanaja studyja na pieršym paviersie brežnieŭki na vulicy Rozy Luksiemburh. Ź plusaŭ — realnaja izalavanaść ad susiedziaŭ, dziakujučy ŭstalavanym na ŭvachodzie mietaličnym dźviaram.
Pry žadańni z pakoju možna zusim nie vychodzić: tut jość i ladoŭnia, i elektryčnaja mini-plita, i televizar. Tolki pa myćcio bializny pryjdziecca vypraŭlacca ŭ ahulny kalidor.
Na 15 mietraŭ kvadratnych zmahli ŭpichnuć i łožak, i navat šafku dla asabistych rečaŭ. Adnak miesca pad pracoŭny stoł tut užo nie zastałosia. Tamu studyja chutčej pasuje tym, chto pracuje pa-za domam.
Ułaśnica apisvaje zrobleny ramont jak «sučasny minimalizm» i zavablivaje raźvitym transpartnym spałučeńniem: «vosiem chvilin pieški da mietro Hrušaŭka. Prypynak hramadskaha transpartu — u chvilinnym dostupie».
Usie kamunalnyja płaciažy za hetyja mietry ŭžo ŭklučanyja ŭ košt arendy. Taksama ŭ abjavie padkreślivajecca, što pryjarytet u vybary novaha arendatara budzie addavacca dziaŭčatam. Pryčyna prostaja: pa susiedstvie na hety momant žyvuć vyklučna pradstaŭnicy žanočaha połu.
Ciapier čytajuć
Vyjšaŭ na svabodu vybitny chirurh Andrej Lubiecki6
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Kamientary