Kreml nie raić usprymać usurjoz publikacyju Bloomberg pra toje, što Rasija nibyta nie maje namieru adnaŭlać pieramovy z Ukrainaj da ŭstanaŭleńnia poŭnaha kantrolu nad terytoryjaj Danbasa.
Pra heta zajaviŭ pres-sakratar prezidenta Rasii Dźmitryj Piaskoŭ, adkazvajučy na pytańnie RBK.
Kamientujučy publikacyju ahienctva, Piaskoŭ nahadaŭ, što prezident Uładzimir Pucin jašče dva hady tamu sfarmulavaŭ umovy spynieńnia bajavych dziejańniaŭ.
Na ŭdakładnialnaje pytańnie nakont publikacyi Bloomberg, u jakoj taksama śćviardžałasia, što Kreml bolš nie maje namieru abmiarkoŭvać viartańnie jakich-niebudź terytoryj, u tym liku rajonaŭ Charkaŭskaj vobłaści, Piaskoŭ pa sutnaści adkazvać nie staŭ.
«Takija publikacyi nie varta ŭsprymać usurjoz, nie treba źviartać na ich asablivuju ŭvahu. Jany chutčej adnosiacca da katehoryi śpiekulacyj», — dadaŭ jon.
Siońnia Bloomberg sa spasyłkaj na krynicy paviedamiŭ, što Rasija nibyta źmianiła svaju pazicyju adnosna ŭmoŭ mahčymaha ŭrehulavańnia kanfliktu. Maskva nie choča abmiarkoŭvać pieradaču Ukrainie terytoryj, jakija znachodziacca pad kantrolem rasijskich vojskaŭ, i raźličvaje zachavać rajony Sumskaj i Charkaŭskaj abłaściej, što miažujuć z Rasijaj, u jakaści bufiernaj zony. Taksama, jak śćviardžali surazmoŭcy ahienctva, rasijskija ŭłady ličać zaŭčasnym viartańnie da pieramovaŭ da ŭstanaŭleńnia poŭnaha kantrolu nad terytoryjaj «DNR».
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ104
Kamientary