Zialenski prakamientavaŭ siońniašnija ŭdary pa składach Wildberries
«Siońnia našy dalokabojnyja sankcyi spracavali pa troch napramkach na rasijskaj terytoryi, a taksama na časova akupavanaj našaj ziamli i ŭ mory», — napisaŭ jon u svaim telehram-kanale.
«U pryvatnaści, u adkaz na rasijskija ŭdary pa našaj cyvilnaj infrastruktury, pa našych haradach i hramadach byli paškodžanyja dva značnyja łahistyčnyja abjekty — u Maskoŭskim i Tamboŭskim rehijonach, na adlehłaści bolš za 500 i kala 700 kiłamietraŭ ad linii frontu. Jany vykarystoŭvalisia ahresaram dla zabieśpiačeńnia pastavak padsankcyjnych kamplektujučych dla vytvorčaści dronaŭ i navihacyjnaha abstalavańnia», — zaznačyŭ Uładzimir Zialenski.
«Taksama byŭ paškodžany naftavy abjekt. Akramia taho, ukrainskija midłstrajki pracavali pa celach u akvatoryi Azoŭskaha mora i Čornaha mora, a taksama ŭ časova akupavanym našym Krymie», — dadaŭ prezident Ukrainy.
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu
Ukrainskija drony ŭdaryli i pa składzie Wildberries u Padmaskoŭi
Siamiora supracoŭnikaŭ składa Wildberries u Tamboŭskaj vobłaści zahinuli ŭ vyniku ataki ŭkrainskich dronaŭ
Kamientary