Jak stała viadoma «Našaj Nivie» z krynic u dypłamatyčnym korpusie, Krystafier Śmit, jaki raniej byŭ namieśnikam pamočnika dziaržaŭnaha sakratara ZŠA pa spravach Uschodniaj Jeŭropy i kuryravaŭ biełaruski kirunak, stanie kiraŭnikom misii ABSIE ŭ Małdovie.
17 lipienia stała viadoma, što namieśnik pamočnika dziaržaŭnaha sakratara ZŠA pa spravach Uschodniaj Jeŭropy Krystafier Śmit u najbližejšy čas pakinie svaju pasadu. Adna z krynic vydańnia «Lusterka», jakaja pra heta paviedamiła, śćviardžała, što dypłamat praciahnie svaju prafiesijnuju karjeru ŭ Małdovie, ale, imavierna, nie ŭ strukturach Dziaržaŭnaha departamienta.
Pa infarmacyi, atrymanaj ad našaj krynicy ŭ dypłamatyčnym korpusie, Śmit stanie kiraŭnikom misii ŭ hetaj krainie Arhanizacyi biaśpieki i supracoŭnictva ŭ Jeŭropie.
Krystafier Śmit — karjerny supracoŭnik vyšejšaha źviana dypłamatyčnaj słužby ZŠA. Pasadu namieśnika pamočnika dziaržaŭnaha sakratara pa spravach Uschodniaj Jeŭropy jon zajmaje ź lipienia 2023 hoda. Śmit vałodaje ruskaj i tureckaj movami. U 2022—2023 hadach jon byŭ namieśnikam kiraŭnika misii ŭ pasolstvie ZŠA ŭ Kijevie.
Na biełaruskim kirunku Śmit staŭ adnym z klučavych amierykanskich dypłamataŭ. U śniežni 2023 hoda jon zajaŭlaŭ, što «vielmi sumna nazirać za tym, jak [Łukašenka] rasparadžajecca Biełaruśsiu dziela dasiahnieńnia svaich ułasnych karyślivych metaŭ», i padkreślivaŭ, što ZŠA hatovyja padtrymać demakratyčnyja siły ŭ pryciahnieńni Łukašenki da adkaznaści za pieramiaščeńnie ŭkrainskich dziaciej.
Z aktyvizacyjaj dyjałohu pamiž Vašynhtonam i Minskam u 2025 hodzie Krys Śmit staŭ adnym z hałoŭnych pieramoŭščykaŭ.
U lutym 2025 hoda jon udzielničaŭ u apieracyi pa vyvazie ź Biełarusi dvuch palityčnych źniavolenych i adnaho hramadzianina ZŠA. Dypłamat uvachodziŭ u skład hrupy, jakaja prylacieła ŭ Minsk, dzie sustrełasia z Alaksandram Łukašenkam i staršynioj KDB Ivanam Ciercielem.
U Ofisie Śviatłany Cichanoŭskaj Krystafiera Śmita nazyvali «samym paśladoŭnym partnioram u ZŠA». Pavodle słoŭ daradcy Cichanoŭskaj Dzianisa Kučynskaha, u 2024—2025 hadach u ich adbyłosia vosiem asabistych sustreč z amierykanskim dypłamatam u Vilni i Vašynhtonie.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary