Lepielskaja sudździa Kručynina, jakaja represavała miedykaŭ, pastara, ratavalnikaŭ, zvolniłasia pa ŭłasnym žadańni
Kanviejer palityčnych sudoŭ pakinuła lepielskaja sudździa Iryna Kručynina, byłaja nastaŭnica biełaruskaj movy. U Lepieli, a pierad tym u Čašnikach, jana razhladała palityčna matyvavanyja administracyjnyja spravy. Sychodzić žančyna pa ŭłasnym žadańni. U čym pryčyna — nieviadoma.
Stała viadoma, što z pasady sudździ Lepielskaha rajona pa ŭłasnym žadańni syšła Iryna Kručynina — adna ź miascovych sudździaŭ, datyčnych da masavych represij. Jana aktyŭna karała biełarusaŭ pa nadumanych «ekstremisckich» artykułach. I, jak raskazvała ŭ miascovaj presie, była pierakananaja, što ŭsio robić pravilna.
Mienavita jana adpraŭlała na «sutki» novałukomlskaha pastara, karała i miedykaŭ Novałukomlskaj CRB i vajskovaha fielčara.
Jašče viasnoj 2025 hoda ŭ intervju miascovaj rajonnaj dziaržhaziecie Kručynina adkryta chvaliłasia svajoj pracaj. Na pytańnie žurnalistaŭ, ci nie chacieła jana kali-niebudź syści z prafiesii z-za ciažkich pracesaŭ, jana zajaviła, što ni razu nie sumniavałasia ŭ vyniesienych prysudach i zaŭsiody była pierakananaja, što «znachodzicca na svaim miescy i ŭsio robić pravilna».
Da taho jak stać častkaj sudovaj sistemy — spačatku ŭ Čašnickim, a paśla ŭ Lepielskim rajonie — Kručynina pracavała nastaŭnicaj biełaruskaj movy i litaratury, adnak paśla pierakvalifikavałasia ŭ jurysta. Sama jana raskazvała miascovaj presie, što vielmi lubić ramany Ivana Šamiakina i čytaje jaho «tolki na biełaruskaj movie».
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary