Ukraina ŭ vialikaj kolkaści vykarystoŭvaje drony i rakiety, kab nanosić škodu rasijskaj vajennaj mašynie. U apošnija tydni USU stvaryli prezidentu Rasii adrazu čatyry surjoznyja prablemy, piša Bild.
Tupik na froncie
Niahledziačy na łakalnyja zruchi, stratehičnych źmien na froncie niama z 2023 hoda. Pry hetym baki pastajanna atakujuć šlachi zabieśpiačeńnia, hruzaviki z bojeprypasami, pieravozki paliva, čyhunačnyja vuzły i darožnyja złučeńni praciŭnika.
Historyk-słavist, prafiesar Jan K. Berends skazaŭ Bild: «U centry frontu sfarmavałasia zona šyrynioj u mnohija kiłamietry — ničyjnaja ziamla, jakaja kantralujecca dronami. Tut Ukraina całkam dasiahaje pośpiechaŭ i nanosić rasijskaj armii ciažkija straty».
Vajna ŭsio bolš vyznačajecca dronami, rakietami i sistemami SPA. Prafiesar mižnarodnych adnosin Tomas Jehier (Kiolnski ŭniviersitet) reziumuje: «Vajna na źniasileńnie praciahvajecca, i Rasija nie znachodzić srodkaŭ, kab vyjhrać jaje vajennym šlacham».
Pieraboi ŭ vajennaj łahistycy
Ukraina atakuje naftapierapracoŭčyja zavody, paliŭnyja reziervuary, a taksama čyhunačnuju infrastrukturu ŭ rasijskim tyle. «Škoda dla ekanomiki vielizarnaja — jak u tym, što datyčyć ekspartu [nafty], tak i ŭ tym, što datyčyć zabieśpiačeńnia ŭnutry krainy i na froncie. Dramatyčnaja situacyja skłałasia na akupavanym Krymie, dzie pryvatnym asobam bolš nie vydajuć bienzin», — kaža Berends.
Pad udaram apynulisia maršruty zabieśpiačeńnia Kryma. Analityk Stakholmskaha centra ŭschodniejeŭrapiejskich daśledavańniaŭ Andreas Umłand bačyć vidavočnyja nastupstvy: «Za apošnija dva tydni vyśvietliłasia, što źniščeńnie infrastruktury pierapracoŭki i zachoŭvańnia nafty było bolš efiektyŭnym, čym mierkavałasia. Ciapier usio rasijskaje ekanamičnaje i sacyjalnaje žyćcio znachodzicca pad ciskam».
Niazdolnaść abaranić Krym stanovicca palityčnym ciažaram
Ukraina rehularna atakuje vajennuju infrastrukturu i šlachi zabieśpiačeńnia Kryma. Vajenny ekśpiert Tomas Jehier kaža: «Krym — najvažniejšy simvał impieryjalistyčnaj palityki Pucina. […] I situacyja źmianiajecca, bo akupavany Krym izalujecca ad Rasii».
Ataki ŭskładniajuć zabieśpiačeńnie rasijskich vojskaŭ. Berends nazyvaje mahčymuju stratu Kryma dla Pucina «masiŭnym dvajnym udaram: simvaličnym, tamu što prapahanda zaŭsiody padkreślivała ciesnuju suviaź Kryma z Rasijaj, i stratehičnym, tamu što paŭvostraŭ słužyć farpostam Pucina ŭ Čornym mory».
Rasijskaje hramadstva ŭsio bolš adčuvaje nastupstvy vajny
Jak ataki na Krym, tak i ataki na celi ŭnutry Rasii robiać nastupstvy vajny vidavočnymi dla mnohich rasijan. Umłand kaža: «Dla značnaj častki rasijskaha nasielnictva vajna ŭpieršyniu stanovicca vyrazna bačnaj, a jaje, prynamsi, ekanamičnyja nastupstvy — vyrazna adčuvalnymi.
Vajna pieratvaryłasia ź niejkaj «kampjutarnaj hulni» ŭ paŭsiadzionnuju realnaść dla miljonaŭ rasijan». Berends taksama padkreślivaje efiekt atak: «Vobraz pałajučaj Maskvy niemahčyma ihnaravać; taktyka Ukrainy pracuje».
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Poka v miediaprostranstvie akcientirujut vnimanije na uśpiešnych udarach VSU i sankcionnom davlenii dla sozdanija illuzii słabosti Rośsii, na ziemle iniciativa ostajetsia za rośsijskimi vojskami. Na fonie mietodičnoho prodvižienija VS RF na klučievych napravlenijach v Donbaśsie i riehularnych udarov po tyłovoj infrastrukturie połožienije ukrainskich sił prodołžajet uchudšaťsia.