Biełarus zrabiŭ samarobny motavieł na soniečnych batarejach i sam pryjechaŭ na im na radzimu z Dahiestana
Žychar Asipovickaha rajona Dźmitryj Packievič stvaryŭ niezvyčajny čatyrochkołavy elektryčny motavieł z zakrytym kuzavam, jaki pracuje ad soniečnych batarej. Na im možna nie tolki padarožničać, ale i načavać padčas dalokich pajezdak, piša Komkur.info.
Ideja ŭźnikła ŭ Dźmitryja padčas znachodžańnia ŭ Dahiestanie, dzie jon časta byvaje. Bolšaść detalaŭ dla kuzava i chadavoj častki jon znajšoŭ na miascovych śmietnikach, a elektronnyja kampanienty i soniečnyja paneli nabyŭ praź internet. Ahulnyja vydatki na elektroniku skłali kala 80 tysiač rasijskich rubloŭ.
Vosieńniu 2025 hoda samarobny transpart byŭ hatovy da vyprabavańniaŭ. Tady Dźmitryj adpraviŭsia na im z Dahiestana ŭ Biełaruś. Padarožža praciahłaściu kala 2350 kiłamietraŭ zaniało amal dva miesiacy. Pa darozie davodziłasia ramantavać koły, mianiać elektronnyja vuzły i navat načavać prosta ŭ kuzavie, jaki abstalavany spalnym miescam.
Pa słovach vynachodnika, u soniečnaje nadvorje zapas chodu aparata praktyčna nie abmiežavany, a ŭ pachmurnaje motavieł moža prajechać kala 50 kiłamietraŭ biez dadatkovaj zaradki. Paśla viartańnia ŭ Biełaruś jon pačaŭ vykarystoŭvać svaju raspracoŭku jašče i jak nievialikuju chatniuju elektrastancyju.
Ciapier Dźmitryj praciahvaje ŭdaskanalvać kanstrukcyju. Jon choča pavialičyć kolkaść soniečnych panelaŭ, pavysić chutkaść ruchu i zapas chodu ŭ drennaje nadvorje.
Asobnaje miesca ŭ žyćci mužčyny zajmaje zachapleńnie kosmasam. Jon zajmajecca łaziernymi šou na kaśmičnuju tematyku, samastojna vyrabiŭ kaścium kasmanaŭta i navat atrymaŭ pamiatny padarunak z aŭtohrafami ekipaža Mižnarodnaj kaśmičnaj stancyi. Pra jahonaje zachapleńnie raskazaŭ adzin ź siabroŭ, jaki byvaje na Bajkanury.
U budučyni Dźmitryj płanuje ździejśnić novyja padarožžy na svaim «Marsachodzie» — tak jon nazvaŭ motavieł. Siarod hałoŭnych metaŭ — Zorny haradok pad Maskvoj i kasmadrom Bajkanur. Pavodle jaho słoŭ, navat niekalki tysiač kiłamietraŭ nie zdajucca pieraškodaj, kali ruchaješsia nasustrač svajoj mary.
Padletak zmajstravaŭ niezvyčajny «Bulbamabil» — minaki nie dajuć jamu biez uvahi prajechać
U Aŭstryi fiermier znajšoŭ sposab, jak abaraniać aviečak ad vaŭkoŭ. Jaho nie ŭsie acanili
Vynachodnictva ŭ Biełarusi skaciłasia da šmathadovaha minimumu
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
bo dzie jašče takich apantanych vynachodnikaŭ znojduć?