Dniom 14 žniŭnia adrazu ŭ čatyroch krainach — Kyrhyzstanie, Kazachstanie, Tadžykistanie i Uźbiekistanie — adbylisia adklučeńni elektryčnaści, piša «Mieduza».
U Biškieku žychary niekatorych rajonaŭ pačali skardzicca na adklučeńni śviatła prykładna a 15:00 pa miascovym časie. U Ministerstvie enierhietyki krainy zajavili, što viedajuć pra prablemy, adnak pakul nie mohuć nazvać pryčyny zdareńnia.
Nieŭzabavie paśla hetaha elektryčnaść adklučyłasia ŭ čatyroch rajonach Ałmaty i dziesiaci rajonach Ałmacinskaj vobłaści. Pavodle miascovych enierhietyčnych słužbaŭ, błekaŭt adbyŭsia praz avaryju na pavietranych linijach elektrapieradačy.
U Ałmaty pad pahrozaj admieny siońniašni kancert Kańje Uesta.
Na adsutnaść elektryčnaści skardziacca žychary Dušanbe, a taksama niekalkich inšych haradoŭ i rajonaŭ Tadžykistana. U Ministerstvie enierhietyki i vodnych resursaŭ nie zmahli nazvać pryčyny błekaŭtu, ale abvierhli viersiju pra avaryju na Nurekskaj HES — najbujniejšaj elektrastancyi krainy.
Pieraboi z elektryčnaściu zakranuli i niekalki rehijonaŭ Uźbiekistana, u pryvatnaści Surchandarjinskuju vobłaść na poŭdni krainy.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary