Sajt, na jakim biełarusaŭ vierbavali dla vajny z Ukrainaj, źnik adrazu jak pra jaho napisali ŚMI
Sajt «Zaŝitnik.BIEŁ», jaki źjaviŭsia ŭ nacyjanalnaj damiennaj zonie Biełarusi dla pošuku achvotnych słužyć u rasijskim vojsku i ŭdzielničać u vajnie suprać Ukrainy, užo nie adkryvajecca, źviarnuła ŭvahu «Radyjo Svaboda». Dakładna nieviadoma, sajt zabłakavali ŭłady Biełarusi ci inicyjatary jaho stvareńnia i dziejnaści, ale adbyłosia heta adrazu paśla taho, jak infarmacyja pra jaho razyšłasia pa ŚMI.
Apierataram sajta byŭ paznačany rasijski indyvidualny pradprymalnik Daniił Radzivonaŭ. Jon zarehistravany ŭ Irkuckaj vobłaści i, zhodna z adkrytaj infarmacyjaj, źviazany z vajskova-kadravym ahienctvam «Bracki sindykat», što zajmajecca padboram kandydataŭ na kantraktnuju słužbu ŭ rasijskim vojsku.
Pry hetym sajt byŭ aformleny jak biełaruski i byŭ raźličany na biełaruskuju aŭdytoryju: akramia biełaruskaj damiennaj zony, na im publikavali fota vajskoŭcaŭ ź dziaržaŭnaj simvolikaj Biełarusi.
Užo doŭhi čas abviestki pra «pracu» dla hramadzian Biełarusi, jakija žadajuć vajavać va Ukrainie na baku Rasii, možna było znajści ŭ tym liku na biełaruskich resursach pošuku vakansij. Asabliva na tych, jakija pracujuć jak ahrehatary abviestak z pabočnych sajtaŭ, u tym liku rasijskich.
Stała viadoma, što za «sindykat» staić za sajtam, jaki viarbuje biełarusaŭ vajavać za Rasiju
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
Šmatdzietny zvarščyk z Mahilova pradrakaŭ śmierć kalinoŭcaŭ na vajnie. A bač ty, užo sam zhinuŭ pad Pakroŭskam
Kamientary