Unačy na poŭnačy i ŭ centry Biełarusi znoŭ čuli huk bieśpiłotnika
Žychary Viciebskaj vobłaści paviedamili ŭ sacsietkach, što ŭ noč na 14 žniŭnia čuli huk, charakterny dla pralotu bieśpiłotnika, zaŭvažyła vydańnie «Fłahštok».
Charakterny huk drona, jak śćviardžajuć karystalniki, byŭ čutny kala 1‑2 hadzin nočy ŭ Viciebsku, Siańnie, Biešankovičach i inšych nasielenych punktach va ŭschodniaj častcy rehijona.
Taksama pra pralot bieśpiłotnika ź bienzinavym ruchavikom «jak u mapieda» paviedamlali žychary Starych Daroh i Babrujska — heta harady, jakija znachodziacca ŭ centralnaj Biełarusi. Pra dakładny čas ruchu BPŁA nad hetaj miascovaściu infarmacyi niama.
Viadoma, što toj ža nočču Leninhradskuju vobłaść Rasii atakavali bolš za 50 ukrainskich bieśpiłotnikaŭ, u vyniku zahareŭsia port Uść-Łuha. Adzin z dronaŭ zalacieŭ u Łatviju, dzie jaho źbili źniščalniki NATA.
Jak paviedamlaŭ «Fłahštok» raniej, na praciahu apošniaha miesiaca zalotaŭ dronaŭ u Biełaruś praktyčna nie fiksavałasia. Ukrainskija manitorynhavyja kanały taksama nie paviedamlali pra parušeńnie pavietranaj prastory Biełarusi rasijskimi BPŁA. Adziny mahčymy zalot moh adbycca kala 4‑j hadziny ranicy 14 žniŭnia, kali praz čarnobylskuju zonu va Ukrainie dron ruchaŭsia ŭ bok Biełarusi.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary