Naviedvajučy 14 žniŭnia fiermierskuju haspadarku Michaiła Šruba pad Turavam, Łukašenka raskazaŭ pra novy srodak dla pachudzieńnia. I choć pry hetym spasłaŭsia na pieradavy vopyt pažyłoha lidara rasijskich kamunistaŭ, jahonaja zacikaŭlenaść hetym praduktam dziŭnym čynam supała z novym trendam u administracyi prezidenta ZŠA Donalda Trampa.
Abychodziačy razam ź Michaiłam Šrubam vystavu šmatlikaj pierapracavanaj pradukcyi, jakuju haspadarka pastaŭlaje na rynak, palityk asablivuju ŭvahu źviarnuŭ na kvašanuju kapustu i dzialiŭsia svaimi viedami pra jaje.
«Kali dva tydni — heta jašče nie kvašanaja. Kab jana ŭžo pastajała», — aŭtarytetna pavučaŭ Łukašenka fiermiera, nie dajučy jamu raskazać pra pradukcyju padrabiaźniej. Zatoje sam achvotna raskazaŭ historyju ź niadaŭniaha žyćcia.
«Heta ŭ mianie byŭ Hienadź Andrejevič Ziuhanaŭ — chudzieńki, jamu 83 hady, padciahnuty, voś jak ty. I jon mnie raskazaŭ: kvašanaja kapusta adzin raz na dzień paśla abiedu — abaviazkova. I ja ciapier šukaju hetuju kvašanuju kapustu. Ale pa-sapraŭdnamu kvašanuju».
Šrub u adkaz klaŭsia, što ichniaja kapusta akurat samaja što ni na jość sapraŭdnaja, heta nie toje, što inšyja mohuć jakoha vocatu dadać. «U nas jana kvasicca pa sapraŭdnych starych receptach», — zapeŭnivaŭ jon.
Raniej paviedamlałasia, što vice-prezident ZŠA Džej Dzi Vens prykmietna schudnieŭ paśla taho, jak pierajšoŭ na dyjetu z kvašanaj kapustaj i fiermientavanaj harodninaj. Hetym ža racyjonam zachapilisia i inšyja paplečniki Donalda Trampa. Naprykład, ministr achovy zdaroŭja Robiert Kienedzi-małodšy śćviardžaje, što za pieršy miesiac takoha charčavańnia straciŭ kala 9 kiłahramaŭ.
Dyjeta na kvašanaj kapuście: novy trend u administracyi Trampa
U vojskach śpiecnazu pa zahadzie Łukašenki farmujuć padraździaleńnie ź niaŭdałych ahraryjaŭ i parušalnikaŭ dyscypliny
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Deputaty vypadkova źlili dakumient pra katastrafičny padziež žyvioły ŭ sielskich haspadarkach
Łukašenka paprosić «niabiesnuju kancylaryju» pra suchoje nadvorje na čas žniva
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta3
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Nie zaviduju jeho eskortnicam.
Chotia, radi trioški v cientrie Minska i nie takoje vytierpiš.