Najbujniejšy naftavy port Rasii na Čornym mory spyniŭ pracu paśla ataki bieśpiłotnikaŭ
Naftavy terminał «Šescharys» u čarnamorskim porcie Novarasijska ŭ piatnicu, 14 žniŭnia, spyniŭ pierahruzku i ekspart nafty paśla ataki bieśpiłotnikaŭ. Pra heta paviedamili ahienctvu Reuters krynicy ŭ naftavaj halinie.
U piatnicu dniom administracyja Novarasijska znoŭ abviaściła pavietranuju tryvohu praz pahrozu ataki bieśpiłotnikaŭ.
Pavodle adnoj z krynic, na zołku tankier, jaki pavinien byŭ prybyć u port dla pahruzki nafty, raźviarnuŭsia i vyjšaŭ u adkrytaje mora praz pahrozu ataki.
Paśla hetaha port byŭ vymušany časova spynić jak zahruzku nafty na tankiery, tak i pryjom novaj syraviny na terminał. Pryčynaj stała toje, što reziervuarny park terminała byŭ całkam zapoŭnieny.
«Šescharys» zdolny pierahružać kala 700 tysiač baralaŭ nafty ŭ sutki. Heta najbujniejšy rasijski naftavy ekspartny terminał na Čornym mory.
Praz Novarasijsk na ekspart pastaŭlajucca rasijskaja nafta Urals, kazachstanskaja KEBCO, a taksama lohkaja nafta Siberian Light.
Pavodle infarmacyi krynicy, znajomaj sa statystykaj ekspartu, u červieni abjomy adhruzki nafty praz Novarasijsk byli blizkija da rekordnych — kala 1 miljona baralaŭ na sutki. Za miesiac heta składała bolš za 4,3 miljona ton nafty.
U lipieni pakazčyk źniziŭsia prykładna da 800 tysiač baralaŭ za sutki, abo kala 3,4 miljona ton za miesiac.
Ataki bieśpiłotnikaŭ užo nieadnarazova ŭpłyvali na pracu naftavaj infrastruktury ŭ rajonie Novarasijska. U lipieni praz takija ataki ŭźnikali pieraboi ŭ pracy terminała Kaśpijskaha trubapravodnaha kansorcyuma, praź jaki ekspartujecca nafta marki CPC Blend.
Ciapierašniaja prypynieńnie pracy «Šescharysa» moža ŭskładnić ekspart jak rasijskaj, tak i kazachstanskaj nafty praz adzin z najvažniejšych naftavych vuzłoŭ Čornaha mora.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary