Za minuły tydzień uziatyja 958 prob vady vadajomaŭ u miescach masavaha kupańnia krainy. Ź ich 12 nie adpaviadali hihijeničnym narmatyvam pa sanitarna-chimičnych pakazčykach i 36 — pa mikrabijałahičnych pakazčykach biaśpieki, pryviali danyja ŭ Respublikanskim centry hihijeny, epidemijałohii i hramadskaha zdaroŭja.
U vyniku abmiežavana kupańnie dziaciej na nastupnych plažach:
- plaž na sažałcy ŭ ahraharadku Łuckaŭlany Hrodzienskaha rajona;
- plaž na sažałcy Brady ŭ Mahilovie;
- plaž na Piačerskim vadaschoviščy ŭ Mahilovie;
- plaž na voziery Husinaje ŭ ahraharadku Kadzina Mahiloŭskaha rajona;
- plaž voziera sanatoryja «Šyńnik» TAA «Biełšyna» ŭ Babrujsku;
- plaž na race Druć u rajonie skviera «Spusk da raki» ŭ Kruhłym;
- plaž na Ciacierynskim vadaschoviščy pablizu vioski Šupieni Kruhlanskaha rajona.
Prypyniena kupańnie dziaciej i darosłych na nastupnych plažach:
- haradski plaž na race Dniapro ŭ Mahilovie;
- plaž na race Dniapro ŭ ahraharadku Pałykavičy Mahiloŭskaha rajona;
- plaž na vadaschoviščy Rudzieja ŭ vioscy Harodnia Mahiloŭskaha rajona;
- haradski plaž, raźmieščany na pravabiarežžy raki Dniapro pablizu ladovaj areny Škłova;
- haradski plaž u rajonie vuścia štučnaha kanała ad raki Viedryč u Rečycy.
Zabaronienyja kupańnie dziaciej, darosłych i zaniatki vodnymi vidami sportu:
- plaž na sažałcy ŭ vioscy Suchaŭlany Hrodzienskaha rajona;
- plažy na race Dniapro ŭ Žłobinie ŭ rajonie Centra alimpijskaha reziervu i ŭ parku kultury i adpačynku «Prydniaproŭski»;
- zony kupańnia №1 i №2 voziera Jubilejnaje ŭ Hrodnie.
U toj ža čas źniatyja abmiežavańni na kupańnie na nastupnych zonach rekreacyi:
- plaž na sažałcy pablizu vulicy Lermantava ŭ Chojnikach;
- plažy na race Nioman va ŭročyščach Łasosna i Pyški ŭ Hrodnie;
- adcinak prybiarežnaj zony zatoki raki Dniapro ŭ rajonie vulicy Facina ŭ Mahilovie;
- plaž na sažałcy ŭ vioscy Vilčycy Mahiloŭskaha rajona.
Manitorynh biaśpieki vady praciahvajecca na praciahu ŭsiaho kupalnaha siezona. Pry atrymańni vynikaŭ łabaratornych daśledavańniaŭ, jakija paćviardžajuć adpaviednaść vady hihijeničnym narmatyvam, abmiežavańni apieratyŭna pierahladajucca.
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie22
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary