Valfovič pra ataku dronam aŭtobusa ź dziećmi ŭ Branskaj vobłaści: Meta była sutyknuć Biełaruś z Ukrainaj
Dziaržaŭny sakratar Rady biaśpieki Alaksandr Valfovič nazvaŭ metu ataki na aŭtobus ź biełaruskimi dziećmi i dadaŭ, što Biełaruś «uciahnuć u kanflikt nie ŭdasca».
Pa spravie ab udary drona pa aŭtobusie ź biełaruskimi dziećmi ŭ Branskaj vobłaści apytany ŭsie śviedki. Pra heta zajaviŭ žurnalistam dziaržaŭny sakratar Savieta biaśpieki Alaksandr Valfovič paśla ŭskładańnia kiraŭnictvam siłavych struktur kvietak na płoščy Pieramohi ŭ Minsku, pryśviečanaha Dniu ŭsienarodnaj pamiaci achviar Vialikaj Ajčynnaj vajny.
Alaksandr Valfovič nahadaŭ, što na minułym tydni ŭ Branskaj vobłaści adbyŭsia ŭdar BPŁA pa aŭtobusie ź dziećmi ź Biełarusi.
«Nie važna, čyj heta aŭtobus — biełaruski, rasijski ci niejkaj inšaj dziaržavy. Heta aŭtobus ź mirnymi žycharami. Ale toj, chto ździejśniŭ hety ŭdar, sprabavaŭ stvaryć nahodu dla taho, kab sutyknuć Biełaruś z Ukrainaj, spravakavać niejkuju drennuju situacyju», — zajaviŭ dziaržsakratar.
Jon ukazaŭ na toje, što Łukašenka trymaje situacyju na samym žorstkim kantroli i daŭ adpaviednyja daručeńni.
«Našy śpiecsłužby, Śledčy kamitet pravodziać samaje dbajnaje rasśledavańnie. Usie fakty buduć praanalizavany. Užo apytany ŭsie śviedki i tyja, chto byŭ u aŭtobusie.
Jość užo peŭnyja, skažam tak, momanty, pra jakija budzie paviedamlena kiraŭniku dziaržavy. Rašeńnie budzie pryniata. Ale ŭciahnuć Biełaruś u kanflikt nie atrymajecca. My za mir, razvažlivaść, za vyrašeńnie ŭsich pytańniaŭ dypłamatyčnym šlacham», — padkreśliŭ Alaksandr Valfovič.
Na minułym tydni Łukašenka zajaviŭ, što dron mieŭ ukrainskaje pachodžańnie, adnak daručyŭ Saŭbiezu pravieści ŭłasnaje niezaležnaje daśledavańnie i «dakapacca da iściny», pakolki vakoł incydentu hučyć šmat supiarečlivych viersij. Kijeŭ abviaściŭ ataku rasijskaj pravakacyjaj i admaŭlaje datyčnaść da zdareńnia.
U dziaržaŭnych ŚMI i kanałach Biełarusi paśla incydentu z aŭtobusam była raźviazanaja kampanija pa raspalvańni nianaviści da Ukrainy i Zachadu. Zajavaŭ ukrainskaha boku nie pryvodziłasia.
Kamientary