Mužčyna z Barysava skraŭ u minčanki hrošy, a paśla na ich ža zaprasiŭ jaje ŭ kaviarniu
U Partyzanskaje RUUS Minska źviarnułasia žančyna, jakaja paviedamiła pra kradziež hrošaj z kvatery. Praviedzienaje śledstva pakazała, što tut nie abyšłosia biez peŭnaj ramantyki.
Supracoŭniki kryminalnaha vyšuku vyśvietlili, što napiaredadni ŭ žančyny haściavaŭ 42‑hadovy znajomy z Barysava. Pavodle słoŭ paciarpiełaj, jana zaprasiła siabra ŭ hości, bo pieražyvała ciažki emacyjny pieryjad i chacieła vyhavarycca.
Padčas razmovy haspadynia pakazvała hościu pradmiety interjeru, u tym liku dekaratyŭnuju škatułku, u jakoj zachoŭvalisia hrošy. Mužčyna źviarnuŭ na heta ŭvahu.
Ranicaj, kali žančyna vyjšła ŭ vanny pakoj, jon skarystaŭsia momantam i vykraŭ sa škatułki 100 dalaraŭ ZŠA, paśla čaho pajechaŭ dadomu. Pa darozie častku skradzienaj sumy abmianiaŭ u abmiennym punkcie.
Praź niekatory čas mužčyna prapanavaŭ minčancy sustrecca na abied u kaviarni. Pry hetym za jaho jon raspłaciŭsia mienavita tymi hrašyma, jakija raniej skraŭ u žančyny. Astatnija ž hrošy vydatkavaŭ na asabistyja patreby.
Ciapier u dačynieńni da barysaŭca zaviali kryminalnuju spravu pa fakcie kradziažu.
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
U Hrodnie dziaŭčatam 14 i 15 hadoŭ pahražaje kałonija za šopinh u internecie
U Salihorsku mužčyna pahareŭ na kradziažy chatniaha vareńnia
U Lepielskim rajonie mužčyna ŭpalavaŭ vaŭka, i heta stała pačatkam niepryjemnaściaŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary