Minčuk addaŭ machlaram dva ajfony i robaty-pyłasmoki, bo nie chapała pieraviedzienaha kredytu
Usio pačałosia z frazy «Na vaša imia adkryty dabračynny rachunak, jaki finansuje terarystaŭ».
32‑hadovy minčuk pracuje inžynieram. Jamu patelefanavała žančyna, jakaja skazała, što na ich pracy pravodzicca pravierka i nieŭzabavie ź im źviažacca pradstaŭnik dziaržaŭnych orhanaŭ, paviedamlaje «Milicyja Minska»
Dalej mužčynu patelefanavaŭ fejkavy supracoŭnik KDB i paviedamiŭ, što na jaho imia adkryty dabračynny rachunak u banku, a hrošy ź jaho nibyta iduć na finansavańnie terarystyčnych arhanizacyj. Kab paźbiehnuć kryminalnaj adkaznaści, jamu treba viarnuć srodki, jakija nibyta ŭžo byli pieraličanyja ad jaho imia.
Mužčyna aformiŭ čatyry kredyty na 35 000 rubloŭ i pieraličyŭ hrošy na rachunak, jaki jamu paviedamili nieznajomcy. Ale na hetym machlary nie spynilisia — paprasili aformić rasterminoŭku na dva robaty-pyłasmoki, niekalki mabilnych telefonaŭ iPhone 17 i razumnych kałonak, a taksama kupić anłajn-kurs.
Techniku, nabyćcio jakoj było aformlena ŭ rasterminoŭku, mužčyna pieradaŭ nieviadomamu čałavieku ŭ handlovym centry, a kod dostupu pierasłaŭ nieznajomcam u miesiendžary. Paśla hetaha tyja pierastali vychodzić na suviaź, a inžynier zrazumieŭ, što adbyłosia, i źviarnuŭsia ŭ milicyju.
Ahulnaja suma škody skłała kala 66 000 rubloŭ. Zaviedziena kryminalnaja sprava.
Kamientary