Inha Ruhinienie pakinie pasadu premjer-ministra i vierniecca ŭ Ministerstva sacyjalnaj abarony i pracy, jakoje jana ŭznačalvała da taho, jak stała kiraŭnicaj urada, piša LRT.
«Ja chaču viarnucca tudy, dzie zaŭsiody było majo serca. Ja razhladaju heta jak naturalnuju ratacyju i vielmi važny etap u maim žyćci. Kali ja była patrebna ŭ ciažki momant, ja nie pabajałasia ŭziać na siabie adkaznaść. A siońnia ja adčuvaju siabie spakojna», — skazała Ruhinienie ŭ intervju, apublikavanym u subotu ŭ LRT.
Tak jana adkazała na pytańnie, ci razhladaje jana budučyja źmieny jak naturalnuju palityčnuju ratacyju abo jak krok nazad.
«U mianie jość mahčymaść viarnucca tudy, dzie ja mahu być najbližej da ludziej i pytańniaŭ, jakija zaŭsiody byli dla mianie samymi važnymi», — adznačyła palityk.
Ruhinienie zajmała pasadu ministra sacyjalnaj abarony i pracy va ŭradzie Hintaŭtasa Pałuckasa. Paśla jaho adstaŭki 25 vieraśnia minułaha hoda Ruhinienie zaniała pasadu premjera.
Siarod najvažniejšych rašeńniaŭ na pasadzie premjera Ruhinienie nazvała vydaču finansavańnia dla abaronnaj śfiery ŭ pamiery 5,38% VUP krainy, uzmacnieńnie supraćpavietranaj abarony i baraćbu z kantrabandaj cyharet z dapamohaj mieteazondaŭ.
Premjerka adznačyła, što ciapier zrabiła b niekatoryja rečy inakš, ale nie škaduje, što ŭznačaliła ŭrad.
Vierahodna adkaznaść za kiraŭnictva ŭradam voźmie na siabie lidar Sacyjał-demakratyčnaj partyi Litvy Mindaŭhas Sinkiavičus.
Płanujecca, što kabiniet ministraŭ padaść u adstaŭku 23 červienia paśla taho, jak sacyjał-demakraty vyrašyli zamianić u kiroŭnaj bolšaści partyju «Zara nad Niomanam» na Sajuz demakrataŭ «U imia Litvy».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary