Ziuhanaŭ prapanavaŭ kanfiskavać 400 miljardaŭ dalaraŭ rasijan, kab apłacić «pieramohu» ŭ vajnie
Lidar KPRF Hienadź Ziuhanaŭ na pieradvybarčym źjeździe partyi prapanavaŭ kanfiskavać srodki hramadzian i biznesu, raźmieščanyja ŭ bankach, kab vyrašyć prablemy biudžetu i ekanomiki
«U bankach siońnia lažyć 67 trłn vašych hrošaj [0,9 trłn dalaraŭ — NN]. 67 trłn i 63 trłn pradpryjemstvaŭ [0,85 trłn dalaraŭ — NN]. Ahułam 130 trłn rasijskich rubloŭ [$1,7 tryljona] Heta try dziaržaŭnyja biudžety. Lažać i ŭzbahačajuć bankiraŭ», — cytujuć Ziuhanava «Viedomosti». Pavodle słoŭ lidara kamunistaŭ, «nieadkładna znajści» možna kala 30 tryljonaŭ rubloŭ [400 miljardaŭ dalaraŭ — NN].
«Jany nie ŭkładajucca ni ŭ vytvorčaść, ni ŭ što — i navat na pieramohu. Spakojna možna vyrašyć hetuju prablemu chutka. I ja b na miescy prezidenta zrabiŭ by heta adnym ukazam, va ŭmovach vajny jon maje prava, jon — viarchoŭny hałoŭnakamandujučy», — dadaŭ Ziuhanaŭ.
Kiraŭnik kamiteta Dziarždumy pa finansavym rynku Anatol Aksakaŭ nazvaŭ zajavy Ziuhanava «pravakacyjaj», jakuju, pavodle jaho słoŭ, zapuścili z Ukrainy abo z Zachadu. «Prosta tak rabić takija zajavy nastolki biezadkazna. Chtości Ziuhanava śpiecyjalna vykarystoŭvaje», — skazaŭ deputat
Pavodle słoŭ Aksakava, kanfiskoŭvać układy rasijan «prosta nie maje sensu».
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Ale zrobiać dla narodca. Zamieniać Nabiulinu na taho, chto zamiest valuty razdaść narodu "siertyfikaty", kab na hrošy kupiać u kitajcaŭ dronaŭ i retranślataraŭ.