U 2025 hodzie bolš za 80% biełaruskich dziaŭčynak va ŭzroście 11 hadoŭ atrymali pryščepku suprać virusa papiłomy čałavieka (VPČ). Pra heta paviedamiŭ zahadčyk adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Kirył Ihnataŭ.
Epidemijołah nahadaŭ, što letaś u Nacyjanalny kalandar prafiłaktyčnych pryščepak byli ŭklučanyja vakcynacyja suprać VPČ, pnieŭmakokavaj infiekcyi i bustarnaja pryščepka suprać koklušu.
Pavodle jaho słoŭ, vakcynacyja suprać pnieŭmakokavaj infiekcyi i VPČ była daŭno zapatrabavanaja nasielnictvam. Dadatkovaja pryščepka suprać koklušu dapamahaje padtrymlivać imunitet u dziaciej, asabliva paśla pačatku navučańnia ŭ škole, kali jany traplajuć u novyja kalektyvy i pavyšajecca ryzyka raspaŭsiudžvańnia zachvorvańnia.
Pryščepki suprać VPČ pačali rabić z kastryčnika 2025 hoda. Za niapoŭnyja try miesiacy vakcynacyju prajšli bolš za 80% dziaŭčynak 11‑hadovaha ŭzrostu. Pa słovach Kiryła Ihnatava, heta adzin z samych vysokich pakazčykaŭ u śviecie siarod krain, jakija ŭvodzili takuju vakcynacyju ŭ nacyjanalnyja prahramy.
Epidemijołah adznačyŭ, što vakcyny zastajucca adnym z najbolš efiektyŭnych srodkaŭ achovy hramadskaha zdaroŭja. Za apošnija 50 hadoŭ jany vyratavali bolš za 150 miljonaŭ žyćciaŭ va ŭsim śviecie. Siońnia taksama praciahvajecca raspracoŭka novych vakcyn suprać malaryi, chalery, lichamanki Denhie, mieninhitu, reśpiratorna-sincycyjalnaj infiekcyi, lichamanki Eboła, vospy małpaŭ i inšych zachvorvańniaŭ.
Padčas Jeŭrapiejskaha tydnia imunizacyi ŭ krasaviku było praviedziena ananimnaje anłajn-apytańnie, u jakim uziali ŭdzieł bolš za 30 tysiač hramadzian i zvyš 6 tysiač miedycynskich rabotnikaŭ. Bolš za 90% apytanych zajavili, što vakcynavacca pavodle nacyjanalnaha kalendara nieabchodna. Bolš za 85% respandentaŭ taksama paviedamili, što viedajuć svoj pryščepačny status.
Pavodle danych śpiecyjalista, u Biełarusi štohod dasiahajecca rekamiendavany ŭzrovień achopu prafiłaktyčnymi pryščepkami: nie mienš za 97 % dziaciej i nie mienš za 95 % darosłych, jakija padlahajuć vakcynacyi.
Dziakujučy šmathadovaj sistemnaj vakcynacyi Biełaruś zachoŭvaje status krainy, svabodnaj ad polijamielitu z 2002 hoda, status eliminacyi adzioru i krasnuchi z 2016 hoda, a taksama z 2023 hoda dasiahnuła rehijanalnych metaŭ pa kantroli virusnaha hiepatytu V.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary