Kiraŭnik Homielščyny nazvaŭ ultymatum Zialenskaha sprobaj źbić chvalu ŭ suviazi z udaram pa aŭtobusie ŭ Branskaj vobłaści
«My razumiejem, što hetyja truki, chitryki advodziać uvahu ad asnoŭnaj temy, jakuju siońnia abmiarkoŭvajuć žychary Homielskaj vobłaści i ŭsioj krainy, — ad trahiedyi z aŭtobusam», — skazaŭ Ivan Krupko.
Zajava-ŭltymatum Uładzimira Zialenskaha ŭ adras Biełarusi i Łukašenki — sproba źbić chvalu ŭ situacyi z abstrełam aŭtobusa ź dziećmi ŭ Branskaj vobłaści. Na heta źviarnuŭ uvahu staršynia Homielskaha abłvykankama Ivan Krupko ŭ razmovie z žurnalistami pa vynikach dakłada Alaksandru Łukašenku, piša BiełTA.
«Hetuju vostruju temu nielha było abyści padčas dakłada. I kiraŭnik dziaržavy cikaviŭsia, jak na heta reahujuć ludzi, jak składvajecca situacyja», — raskazaŭ Ivan Krupko.
«Analizujučy roznyja mierkavańni, kamientaryi ludziej, napeŭna, Uładzimiru Zialenskamu nieabchodna było źbić chvalu ŭ situacyi z abstrełam aŭtobusa, dzie paciarpieli našy dzieci. Padniałasia novaja chvala z pytańniem, jakoha faktyčna niama. My razumiejem, što hetyja truki, chitryki advodziać uvahu ad asnoŭnaj temy, jakuju siońnia abmiarkoŭvajuć žychary Homielskaj vobłaści i ŭsioj krainy, — ad trahiedyi z aŭtobusam. Hetaja situacyja atrymlivaje žorstkuju acenku ludziej», — adznačyŭ Ivan Krupko.
U sieradu, 17 červienia, u Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi.
Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści. U čaćvier i piatnicu ŭsich paciarpiełych dastavili ŭ Biełaruś.
Nahadajem, što viečaram u piatnicu skančvajecca termin ultymatumu Zialenskaha Łukašenku: kiraŭnik Ukrainy zahadaŭ prybrać retranślatary na miažy, što karektujuć pracu rasijskich dronaŭ.
«Łukašenka pavinien, akramia słoŭ, demanstravać deeskałacyju. Nie prosta słovami «ja prašu prabačeńnia». Svajo «prašu prabačeńnia» jon niachaj sabie pakinie. Jano nie pracuje paśla pieršaha dnia pačatku vajny. Ja heta tłumačyŭ praz našu raźviedku i słužbu biaśpieki. Na roznych uzroŭniach u nas jość kantakt.
Ja jamu tłumačyŭ: patrebna demanstracyja kankretnych krokaŭ. Krok numar adzin — nijakaj techničnaj padtrymki. Retranślatary vyklučyć, źniać i pakazać nam, što jany źniatyja. I my zakryli hetaje pytańnie», — skazaŭ Zialenski.
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Jakija retranślatary na miažy maje na ŭvazie Ukraina?
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
«Ciapier u momancie padajecca žorstkim i praźmiernym». Špakoŭski raić Rasii ŭžyć jadziernuju zbroju
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
Trochi dziŭny padbor słoŭ, što značyć paškodžany? Čamu nie atakovany?
"U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. "©
I tut toje samaje, zamiest ataki, niejkaje zdareńnie.
( I takija pytańni ŭźnikajuć u nie zaležnaści ad taho, chto atakavaŭ aŭtobus)