Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Svaim rodnym horadam u sacsietkach Viktoryja Hrycenka paznačała Łuhansk. Ale šmat hadoŭ jana pražyła ŭ Biełarusi.
Viktoryja Hrycenka (Haroška), žonka dziciačaha treniera Alaksieja Haroški, supravadžała futbalistaŭ-školnikaŭ z Rečycy padčas pajezdki ŭ Hielendžyk (Krasnadarski kraj Rasii). Aŭtobus jechaŭ pa trasie Homiel — Bransk, kali ŭ jaho prylacieŭ dron. Viktoryja zahinuła.
Žančynie było 44 hady. Jaje muž Alaksiej, chutčej za ŭsio, zaraz paranieny i znachodzicca ŭ ciažkim stanie (Rečycki rajvykankam paviedamlaŭ pra špitalizavanaha treniera-vykładčyka).
Alaksiej šmat hadoŭ pracuje ŭ DIUSŠ №2 Rečyckaha rajona — jaho vychavancy rehularna ŭdzielničajuć u roznych spabornictvach i pieryjadyčna zavajoŭvajuć pryzavyja miescy.
Svaim rodnym horadam u sacsietkach Viktoryja Hrycenka paznačała Łuhansk. Ale šmat hadoŭ jana pražyła ŭ Biełarusi. Raniej Viktoryja pracavała cyrulnicaj, a paśla pradavačkaj (zhodna z dadzienymi Vielpol).
U zahinułaj žančyny zastalisia dźvie dački-dvajniaty, im pa 21 hodzie.
26 červienia Viktoryja pavinna była prysutničać na ŭručeńni dypłoma adnoj z dačok. Jana płanavała potym zładzić piknik dla blizkich u honar hetaj padziei.
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Adno dzicia, što trapiła pad abstreł u Branskaj vobłaści, znachodzicca ŭ ciažkim stanie
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
Škada dziaciej.
Ale navošta jechać na Maskoviju tym bolš ŭ letnija łahiery Maskovii adpraŭlać svaich ci inšych dziaciej?
Heta ž jak jechać ŭ Treci rejch i ŭ łahiery hitleriunhier? Dy jašče na liniju frontu!
Ci jechać ŭ inšuju krainu dzie zabojcy, rabaŭniki, hvałtaŭniki, piedafiły i čałaviekanienaviśniki uźviedzieny ŭ ranh hierojaŭ. Dzie norma zabić i zhvałtavać susieda. Norma bambić cyvilnyja harady, škoły, špitali. Norma što dnia tvaryć vajennyja złačynstvy i złačynstvy suprać čałaviectva.
Ludzi ŭklučyć rozum!
Trymajcie svaich dziaciej i rodnych jak maha dalej ad Maskovii i asabliaa ad "chierojaŭ sva".