U Rečycy raskazali padrabiaznaści fatalnaj pajezdki miascovych žycharoŭ u Rasiju. Aŭtobusaŭ było dva, dziaciej 41 z 88
Jak paviedamili ŭ Rečyckim rajvykankamie, pieravozku arhanizoŭvali niedziaržaŭnyja pieravozčyki, zarehistravanyja ŭ Rečyckim i Kalinkavickim rajonach. Pa maršrucie Rečyca — Hielendžyk jechali 88 čałaviek u dvuch aŭtobusach. U Hielendžyk jechała futbolnaja kamanda, a taksama škoła tancaŭ.
Siarod pasažyraŭ było 41 dzicia. Ź ich 28 navučencaŭ dziciača-junackaj spartyŭnaj škoły № 2 Rečyckaha rajona nakiroŭvalisia na vučebna-trenirovačnyja zbory ŭ azdaraŭlenčy łahier. Jašče 13 dziaciej zajmalisia ŭ pryvatnaj tancavalnaj studyi i taksama jechali na adpačynak i treniroŭki. Častku dziaciej supravadžali baćki, astatnija jechali ŭ supravadžeńni darosłych pradstaŭnikoŭ z davieranaściami.
Pavodle infarmacyi, kala 11‑j hadziny dnia ŭ rajonie nasielenaha punkta Rudnia ŭ Branskaj vobłaści adzin z dvuch aŭtobusaŭ, u jakim znachodzilisia 43 pasažyry, byŭ paškodžany ŭ vyniku ataki bieśpiłotnaha latalnaha aparata. Paśla zdareńnia ŭsich pasažyraŭ dastavili ŭ horad Počap Branskaj vobłaści.
Pa ŭdakładnienych danych, u vyniku ataki paciarpieli vosiem čałaviek, adzin čałaviek zahinuŭ. U ciažkim stanie byŭ špitalizavany trenier-vykładčyk dziciača-junackaj spartyŭnaj škoły № 2. Taksama traŭmy roznaj stupieni ciažkaści atrymali šaściora dziaciej.
Paciarpiełym akazvajecca nieabchodnaja miedycynskaja dapamoha. Dla padtrymki rasijskich kaleh u Branskuju vobłaść ź Biełarusi vyjechali try bryhady miedykaŭ, u skład jakich uvachodziać i śpiecyjalisty respublikanskaha ŭzroŭniu. U svaju čarhu balnicy Homielskaj vobłaści zajavili pra hatoŭnaść pryniać paciarpiełych dla dalejšaha lačeńnia, kali budzie pryniata rašeńnie ab ich pieravozcy ŭ Biełaruś.
Pa fakcie zdareńnia raspačali kryminalnuju spravu.
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Špitalizavanyja 8 pasažyraŭ aŭtobusa, jaki paciarpieŭ u Branskaj vobłaści. Šaściora ź ich — dzieci
«Infarmacyjnaja pravakacyja Kramla». Va Ukrainie prakamientavali ŭdar pa biełaruskim aŭtobusie ź dziećmi
Stała viadoma imia žančyny, što zahinuła pra atacy drona na aŭtobus ź dziećmi-futbalistami ŭ Branskaj vobłaści
MZS Biełarusi asudziła ataku na aŭtobus ź dziećmi i niečakana zaklikała spynić pajezdki ŭ pryhraničnyja z vajnoj rehijony Rasii
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Vieźli na terytoryju bajavych dziejańniaŭ. Vieźli faktyčna na vajnu. Na zabojstva.
Sam fakt adpraŭki dziaciej ŭ ruski łahier - ŭžo pavinien stać padstavaj dla kryminałki da čynoŭnikaŭ.
Jak i luby fakt pa raspaŭsiudu ruskaha miru i vystavak hierojaŭ sva. Jak i fakt trykałoru ŭ kabinietach tak zvanych "siłavikoŭ*. Jak i prapahanda rasiejskaha miru z aficyjnych kanałaŭ režymu ŭ Biełarusi. Jak i prapahanda hetaha ruskaha miru u navučalnych ŭstanovach Biełarusi.
Za ŭsie heta naležyć nieści adkaznaść čynoŭnikam, karnikam, prapahandystam.
A pakul z-za dziejnaści režymu pakutaje naš narod i našy dzieci.