Šmat kaho taksama chvaluje, ci niama deficytu paliva pa darozie ź Biełarusi da Maskvy.
Hadzinami ŭ čarzie ciapier stajać nie tolki na ŭjezd u ES
Padarožniki adznačajuć, što na biełaruska-rasijskaj miažy možna pravieści ŭ čarzie pa niekalki hadzin, pryčym u kožny bok.
Čałaviek, jaki 22 červienia viartaŭsia z Rasii ŭ Biełaruś, piša ŭ Treds, što miažu ŭ kirunku Smalensk — Viciebsk na aŭto prajšli za 1,5 hadziny. Jon ža dvuma tydniami raniej na šlachu ź Biełarusi ŭ Rasiju pravioŭ cełyja 2 hadziny ŭ čarzie.
Pry hetym mužčyna dadaje, što ŭ papiarednija hady na prachod miažy ŭ jaho traciłasia litaralna pa piać chvilin.
Niekatoryja kamientatary adznačajuć, što dla hetaj trasy 1,5 hadziny — heta jašče davoli chutka.
«Heta vy chutka. Pa 2—3 hadziny na hetym KPP u apošnija 2 miesiacy — heta ŭžo zvykła», — napisała adna z kamientatarak.
Inšaja spravazdačycca, što ŭ noč na 12 červienia naohuł praviała ŭ čarzie try hadziny.
«Na zvarotny šlach vybrali inšuju darohu praź Vialikija Łuki, miažy tam niama, ale jość žvirovaja daroha ŭ 30 km», — dadaje jana.
Jechać lesam
Ludziej, jakija rajać abjazdžać asnoŭnuju trasu lasnymi šlachami, chapaje.
Mužčyna, jaki pazaŭčora jechaŭ ź Minska ŭ Smalensk praz M-1 i byŭ u šoku ad čarhi, adpisaŭ, što nazad u Biełaruś jechaŭ užo praz post, jaki znachodzicca niedzie ŭ lesie, tamu tam było ŭsiaho dźvie mašyny.
Inšyja dadajuć, što padobnyja łajfchaki pracujuć tolki na vyjezd z Rasii, a na ŭjezd usio adno daviadziecca troški pačakać.
Taksama niekatoryja adznačajuć, što pamier čarhi navat na M-1 mocna zaležyć ad času i dnia tydnia.
«Hledziačy ŭ jaki čas patrapić: u piatnicu ŭviečary z RB u RF za 40 chvilin trapili, a ŭ niadzielu viečaram viartalisia ŭ Biełaruś — i naohuł čarhi nie było», — piša adzin z karystalnikaŭ.
Žančyna, jakaja časta pierasiakaje miažu, śćviardžaje, što čerhi ciapier jość amal zaŭždy.
«Ciapier čaściej za ŭsio norma 1,5 hadziny i vyšej, redka šancuje prajści chutčej», — dzielicca dośviedam.
Pravierki ładzić tolki rasijski bok
Ahułam ža tendencyja takaja, što trapić u Biełaruś z Rasii možna chutčej, čym ź Biełarusi ŭ Rasiju, pakolki kantrol pravodzić vyklučna rasijski bok i na ŭjeździe ŭ RF jon bolš hłyboki.
Ahułam ža, kali na M1 vialiki zator, to rajać jechać praź viosku Lady. Maŭlaŭ, tam i čerhaŭ zvyčajna niama, dy i sam dahlad prachodzić chutčej.
U padarožnikaŭ praviarajuć dakumienty, bahaž i ahladajuć aŭtamabil.
Siarod kamientataraŭ niamała tych, chto adznačaje, što ciapier na prajezd miažy z Rasijaj času idzie jak na prajezd u ES.
Što jašče chvaluje tych, chto jedzie ŭ Rasiju?
Akramia čerhaŭ i taho, kudy prajechać chutčej, u pryhraničnych čatach u apošnija dni aktyŭna abmiarkoŭvajuć paliva.
Šmat kaho chvaluje, ci niama deficytu paliva pa darozie ź Biełarusi da Maskvy.
Ludzi paviedamlajuć, što ŭ Smalenskaj vobłaści z palivam prablem niama, praŭda, na zapraŭkach čerhi pa 5—7 mašyn na kožnuju kałonku.
Taksama aktyŭna abmiarkoŭvajuć normy pravozu paliva ŭ kanistrach. Ludzi pišuć, što, pavodle słoŭ rasijskich pamiežnikaŭ, u Rasiju ź Biełarusi možna vieźci nie bolš za 100 litraŭ paliva. Hałoŭnaje, kab tara była žaleznaj, maŭlaŭ, z płastykavymi mohuć być pytańni.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Kamientary