Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
Apošnija troje sutak nie fiksujucca praloty rasijskich udarnych dronaŭ uzdoŭž biełaruska-ŭkrainskaj miažy, zaŭvažyŭ «Fłahštok».
U kancy viasny i pačatku leta 2026 hoda takija praloty byli masavymi, častka bieśpiłotnikaŭ traplała na terytoryju Biełarusi, ruch BPŁA na nizkich vyšyniach nazirali žychary pryhraničnych nasielenych punktaŭ.
Na dadzieny momant apošni taki vypadak fiksavaŭsia ranicaj u niadzielu 21 červienia, kali Pavietranyja siły USU paviedamlali pra ruch BPŁA na paŭnočnym zachadzie Čarnihaŭskaj vobłaści ŭzdoŭž miažy ź Biełaruśsiu ŭ napramku Słavuciča.
Cikava, što prykładna praz try hadziny adzin z rasijskich dronaŭ, pavodle danych kanała «Rynda manitoryć», apynuŭsia na terytoryi Biełarusi. Spačatku paviedamlałasia, što jon ruchaŭsia ŭ rajonie Turava Homielskaj vobłaści, a zatym znachodziŭsia pablizu Davyd-Haradka Bresckaj vobłaści.
Ci vylecieŭ jon nazad na terytoryju Ukrainy, nie ŭdakładniałasia. Dakładna nieviadoma, ci byŭ heta toj samy BPŁA, jaki raniej ruchaŭsia ŭzdoŭž miažy na Homielščynie.
Pry hetym usie nastupnyja dni Čarnihaŭščynu pa-raniejšamu praciahvali atakavać rasijskija drony, ale ich nakiroŭvali pa inšych maršrutach, jakija nie zakranali ŭkrainska-biełaruski pahraničny ŭčastak. Masiravanych pavietranych atak Rasii ŭ hetyja dni nie było, tamu karcina pakul niapoŭnaja i rabić vysnovy jašče rana.
Manitorynhavy kanał «jeRadar» paćvierdziŭ «Fłahštoku», što na biahučym tydni rasijskija bieśpiłotniki pakul nie pralatali ŭzdoŭž miažy, i źviazaŭ heta z mahčymym spynieńniem vykarystańnia retranślataraŭ na terytoryi Biełarusi, z dapamohaj jakich RF karektuje ataki. Nahadajem, raniej va Ukrainie zajaŭlali pra źniščeńnie sietki naviadzieńnia BPŁA ź Biełarusi.
Ciapier adklučeńnie retranślataraŭ stała hałoŭnaj umovaj ultymatumu Uładzimira Zialenskaha ŭ adras Alaksandra Łukašenki. Termin ultymatumu zakančvajecca ŭ piatnicu.
Da hetaha manitorščyki i US Ukrainy fiksavali pastajannyja pieramiaščeńni hrup rasijskich BPŁA ŭzdoŭž biełaruska-ŭkrainskaj miažy. Ich zapuskali z Branskaj vobłaści kursam na zachad. Pavietranaja prastora Biełarusi vykarystoŭvałasia jak prykryćcio. BPŁA laciać kałonaj (łancužkom) paralelna miažy, kab paźbiehnuć rańniaha vyjaŭleńnia i prarvacca ŭhłyb zachodnich abo centralnych abłaściej Ukrainy.
Kamientary
Kak i dla Rośsii, dobiť poślednije npz (v Biełarusi) na jevropiejskoj tierritorii, snabžajuŝije jejo armiju na frontach Ukrainy.
Navierno i łučšie, otklučiť rietranślatory.
No, eto s adiekvatnymi i normalnymi lud́mi, i adiekvatnymi podchodami, čieho nie było i niet v Kriemle.
Dajcie adpačyć pierad bitvaj z uražajem. 11 młn ton treba pierabić.
A Ukrainie spasibo, čto postavili na miesto etoho iźvierha.
Słava Ukrainie, žyvie Biełaruś!