Biełarusy na apošnim miescy ŭ rehijonie pa vydatkach na miedycynu
Na miedycynu ŭ Biełarusi traciać kala $2200 na čałavieka na hod z ulikam parytetu kupčaj zdolnaści. Heta najmienšy pakazčyk siarod susiednich krain: u Polščy i Litvie jon amal udvaja vyšejšy, a ŭ Hiermanii — bolš čym u čatyry razy. Pry hetym kala traciny vydatkaŭ na achovu zdaroŭja biełarusy apłačvajuć sa svajoj kišeni.
Biełaruś zastajecca aŭtsajdaram siarod susiednich krain pa vydatkach na achovu zdaroŭja. Pavodle danych Suśvietnaha banka i Suśvietnaj arhanizacyi achovy zdaroŭja, u 2023 hodzie na miedycynu ŭ krainie nakiroŭvałasia kala 6,6% VUP. Dla paraŭnańnia, u siarednim pa Jeŭrasajuzie hety pakazčyk składaje 10,5%, a ŭ Hiermanii dasiahaje 12,3%.
Na heta źviartajecca ŭvaha ŭ niezaležnym ahladzie biełaruskaj sistemy achovy zdaroŭja, padrychtavanym aktyvistami niezaležnaha prafsajuza miedykaŭ pry padtrymcy Fondu miedycynskaj salidarnaści Biełarusi BYMEDSOL i prajekta «Biełyja chałaty».
U pieraliku na adnaho žychara roźnica vyhladaje jašče bolš istotnaj. U Biełarusi vydatki na achovu zdaroŭja składajuć kala $2200 na hod z ulikam parytetu kupčaj zdolnaści. U Rasii hety pakazčyk pieravyšaje $3200, u Łatvii — kala $3000, u Polščy — amal $4000, u Litvie — bolš za $4100. U Hiermanii na miedycynu traciać kala $8800 na čałavieka, a siaredni pakazčyk u Jeŭrasajuzie składaje kala $6700.
Inšymi słovami, Łatvija tracić na adnaho žychara ŭ 1,4 razu bolš, čym Biełaruś, Polšča i Litva — u 1,8—1,9, a Hiermanija — prykładna ŭ čatyry razy bolš.
Adroźnivajucca i dziaržaŭnyja pryjarytety. U Biełarusi na achovu zdaroŭja nakiroŭvajecca kala 11,7% usich dziaržaŭnych vydatkaŭ. U krainach Arhanizacyi ekanamičnaha supracoŭnictva i raźvićcia hety pakazčyk u siarednim składaje 15,1%.
Niedachop finansavańnia maje praktyčnyja nastupstvy. Jak adznačajuć aŭtary ahladu, sučasnaja miedycyna patrabuje nie tolki balnic i paliklinik, ale i darahoha dyjahnastyčnaha abstalavańnia, raschodnych materyjałaŭ, lekaŭ, łabaratornych sistem i ličbavaj infrastruktury. Značnaja častka hetaj pradukcyi zakuplajecca za miažoj, tamu krainy z bolšymi vydatkami mohuć chutčej ukaraniać novyja technałohii i zabiaśpiečvać šyrejšy dostup da sučasnaha lačeńnia.
Pry hetym kala traciny ŭsich vydatkaŭ na achovu zdaroŭja ŭ Biełarusi pakryvajecca nie dziaržavaj, a samimi hramadzianami i inšymi niedziaržaŭnymi krynicami.
Pavodle danych Suśvietnaha banka, dola takich pryvatnych vydatkaŭ składaje kala 33,2%. Heta aznačaje, što častka raschodaŭ na leki, dyjahnostyku i miedycynskija pasłuhi faktyčna pierakładajecca na pacyjentaŭ.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe26
Kamientary
Dadam, što nieraŭnamiernaść jość i pa tratach na čałavieka. Jak siaredniaja zarpłata - statystyčny padman, tak i siarednija vydatki na čałavieka. Bo realna na śpiecyjalnyja lakarni dla čynoŭnikaŭ i siłavikoŭ (karnikaŭ) vydzialajecca niepraparcyjna vialikaja dola ahulnych raschodaŭ na miedycynu.
Usio skazanaje pakazvaje antysacyjalny charaktar sučasnaj dziaržavy, pry samaŭpeŭnienaj samarekłamie nibyta jana zastajecca samaj sacyjalnaj.
I faktyčna samahienacyd. Prablema nie ŭ biednaści tolki, a ŭ tym, što i dola, % vydatkaŭ mały pry toj biednaści.
Jašče b danieści hetuju statystyku toj łukašysckaj abo abyjakavaj častcy biełarusaŭ, jakija z-za zvužanaha kruhahladu praciahvajuć vieryć u stabilnaść i narmalnaść stanu achovy zdaroŭja.
Dakumienty ahladu raspaŭsiudžvajucca praz Google Docs, što moža być niebiaśpiečna dla tych, chto adkryvaje ich u Biełarusi abo jeździć u Biełaruś.
Adkryvajcie biez łahina ŭ huhł, a kali adkryli, nie zabyvajcie vydalać paśla sa śpisa niadaŭnich i rasšaranych z vami.
Prablema, pra jakuju sistemna zabyvajuć našyja inicyjatyvy i ŚMI.
Biaspłodździe ŭ moładzi, invalidy 50+ hadoŭ, jakim nie dajuć invalidnaść, a zamiest hetaha prymušajuć pracvavać bieź piensii pa invalidnaści na 5 hadoŭ bolš, čym raniej, da 58/63 hadoŭ.
Lečać i abśledujuć tolki siłavikoŭ i čynoŭnikaŭ.